Den smarte vegen

Skriven 30.10.2019 under Nyheiter, Ukategorisert

Veidekke søkjer etter heile 70 trainear med oppstart i august neste år. Fast jobb, og fagleg og personleg utvikling, er nokre av godene dei lokkar med.

– For min del har traineeprogrammet til Veidekke vore utruleg kjekt og utfordrande. Kvardagen har vore variert og ein får tildelt ulike oppgåver. Det gjer at ein får utvikla seg heile vegen og er godt rusta til arbeidslivet vidare, seier Trygve Sætren Bøe.

For tre månadar sidan var han ferdig med traineeprogrammet. No jobbar han som anleggsleiar i same firma.

Sætren Bøe er utdanna byggingeniør frå Høgskulen i Bergen (no: Høgskulen på Vestlandet), og skryter av programmet han har vore gjennom.
– Ein får tett og god oppfølging frå erfarne kollegaer, og har heile tida nokon ein kan spør dersom ein lurer på noko. Det er kjekt å sjå korleis ein utviklar seg og heile tida meistrar nye oppgåver, seier han.

Venner for livet
Traineeprogrammet til Veidekke strekker seg over to år. Gjennom desse åra får dei 70 deltakarane bli med på fire traineesamlingar i inn- og utland. Dette er eit høgdepunkt for fleire.

– Samhaldet mellom traineane er godt. Det finst fleire samtaleplattformer der ein har kontakt med dei andre traineane, noko som gjer at ein får god kontakt. Ein blir tidleg delt opp i grupper som gjer at ein kjem tettare på andre som er med i programmet. Eg sitter igjen med fleire gode venner, seier Sætren Bøe.

Foto: Roger Auflem

Les meir og søk her 

Sikra fast jobb
Veidekke søkjer etter dei som er nyutdanna sivilingeniør, byggingeniør, høgskuleingeniør, eller har anna teknisk utdanning på universitets- og høgskulenivå. Alle som takkar ja til traineestillinga vil etter perioden også vere fast tilsett i bedrifta. På den måten er ein sikra fast jobb frå første dag.

– Dette er vår form for rekruttering, og vi ser at det fungerer veldig godt. Etter to år er traineane våre klare til å få meir sjølvstendige roller i bedrifta, seier Christine Aagård Midthjell, som er HR-ansvarleg i distrikt Sogn og Fjordane.

Aagård Midthjell seier det er mange fordelar med å vere trainee i Veidekke.
– Som nyutdanna får ein vere med å sjå korleis teorien blir omsett til praksis på ein byggeplass. Ein får eigen utviklingsplan og ein mentor som er sjef for opplæringa, i tillegg til ein mentor som er ein erfaren ingeniør.

Ho legg til at Veidekke sitt traineeprogram er godt kjent i bransjen, så det vil vere eit stort pluss å kunne sette det på cv-en. Som ei ekstra gulrot får alle traineane aksjar for 10 000 kroner i selskapet.

Unikt innblikk
Som trainee i Veidekke får ein bli med på heile prosessen frå a til å. På den måten får ein ei brei innføring i kva som må ivaretakast gjennom ein byggeprosess.

– Vi ser at læringskurva er brattare her enn i byane. Som trainee i distriktet får ein bli med på eit prosjekt der det berre er to til tre funksjonærar. Ansvarsområdet er breiare og ein får kjennskap til alt som skjer på byggeplassen. Dei får innblikk i alle prosessane, noko vi ser igjen på traineane våre. Når dei er ferdige med dei to åra er dei klare til å få meir ansvar, avsluttar Aagård Midthjell.

Les meir og søk her 

 

 

Denne nettstaden brukar informasjonskapslar. Ved å fortsette å bruke nettstaden seier du deg einig i vår bruk av informasjonskapslar.