Bedriftstand karrieremesse

Bli med på Framtidsfylket karrieremesse i Bergen onsdag 11. februar 2026.

På Framtidsfylket karrieremesse får du som bedrift:

• Møte hundrevis av besøkande med interesse for arbeidslivet i Vestland
• Nettverke med bedrifter frå heile Vestland
• Møte unge på jobbjakt
• Profilere Vestland som ein attraktiv plass å bu og jobbe 💚

Stad: Grieghallen
Messa er open for publikum: 10.30-16.00.
Opprigg for bedrift: 08-09.30.
Foredrag for bedrifter: 09.45-10.15. Petter Gulli: Ei framtid å glede seg til. (Les meir om foredraget lenger nede)

Påmelding

🤝 Nyheit i år! Karrierecup

Vi tilbyr 25 bedrifter å møte inntil 5 jobbkandidatar som har valt DEG for ei jobbsamtale. Her er det førstemann til mølla, så meld deg på raskt. Slik fungerer karrierecupen:

• Du får tildelt fleire møter med jobbkandidatar i løpet av dagen.
• Når vi har 25 påmelde arbeidsgjevarar og kandidatane har meldt inn kven dei vil møte, set vi opp møtene. De mottar møteoversikta i forkant av messedagen.
• Du får 25 minutt med kvar jobbkandidat for å knyte kontakt og fortelje dei kvifor dei bør søkje jobb hos akkurat deg!

Karrierecupen tilbyr vi i første omgang til deg som bestiller stor stand.

📣 Foredrag med Petter Gulli: Ei framtid å glede seg til

Verda kan kjennest overveldande. Kriser, konflikter og negative overskrifter gjer det lett å gløyme alt som faktisk går framover, og kor mykje som blir skapt gjennom gode idear og godt samarbeid, ikkje minst her på Vestlandet.

Når de snart skal møte studentar som vurderer jobb og framtid ute i distrikta, handlar deg om å formidle tru, moglegheiter og retning.

Petter Gulli viser oss eit anna bilete av framtida enn det vi møter til dagleg, og løftar fram utviklingstrekk som gir grunn til optimisme. Sjå fram til eit engasjerande foredrag fullt av døme på innovasjonar, samarbeid og bærekraftige løysingar som blir skapte i Vestland akkurat no, og som viser kva som er mogleg når vi tenker nytt!

Tid og stad: 09.45-10.15, Grieghallen

Les meir om Petter Gulli her

Prisar

I år samarbeider vi med Messeselskapet for bestilling av stand og messeutstyr.

I Grieghallen vil de i utgangspunktet stå saman med den regionen de høyrer til. Fylkesdekkande aktørar blir plassert der det passar seg best.

Liten stand: Medlem: Kr 15.000,-/ Ikkje medlem: 20.000,- eks mva
Plass til to roll-ups og inntil to personar på stand. Du får: 1 Barkrakk, 1 ståbord, straum, bordskilt, lunsj, foredrag

Stor stand: Medlem: Kr 25.000,-/ Ikkje medlem: 30.000,- eks mva
Plass til stor messevegg og inntil fire personar på stand. Du får: 2 barkrakk, 1 ståbord, straum, bordskilt, skjerm, lunsj, foredrag og høve til å delta på møtecup.

Påmelding

Inkludert i både stor og liten stand får du:

• Ta del i marknadskampanjen retta mot studentar og unge jobbsøkarar i Bergen og omegn
• Marknadsføring på høgskular og universitet i Bergen veka før messa (Vi står på fysiske standar)
• Lunsj, kaffi/te, vatn

Vi gler oss til å sjå deg i Grieghallen 11. februar!