Våre beste tips til deg som skal gjennomføre jobbintervju

Det viktigaste først: Hugs at de er to som skal ta eit val.

Eit intervju handlar om to partar som vurderer kvarandre. Det er her de får sjansen til å bli verkeleg kjent med mennesket bak papira, men det er også her kandidaten får sitt tydelegaste inntrykk av dykk som arbeidsplass og kollegaer.

Korleis kandidaten blir møtt, kor godt førebudd de er og kor tydeleg de kommuniserer, påverkar om rett person ønskjer å bli ein del av laget dykkar.

Her har vi samla nokre gode råd til intervjuprosessen, basert på beste praksis frå organisasjonspsykologi og HR-faget:

Førebuing gir betre treff

Dei aller fleste vil oppleve at intervjuet blir betre når ein har gjort nokre enkle førebuingar:

• Les søknad og CV grundig
• Lag ein enkel intervjuguide med faste spørsmål til alle kandidatar til same stilling. Det gir eit betre samanlikningsgrunnlag i etterkant.
• Avklar vurderingskriterium internt før intervjua startar. Kva kompetanse og eigenskapar er viktigast? Kva er «må ha» og kva er «kjekt å ha»? Når de har ei felles forståing, blir vurderingane meir objektive og mindre prega av magekjensle.
• Still spørsmål om konkrete erfaringar, til dømes: «Kan du fortelje om ein situasjon der du...?» Slike spørsmål gir ofte meir innsikt enn generelle refleksjonar. For nyutdanna kan døme hentast frå studier, sommarjobbar, prosjekt eller frivillig arbeid.

Ver medviten di eiga rolle

Dei fleste av oss blir påverka av førsteinntrykk og umedvitne tankemønster. Slik er det berre. Men å vere klar over det er eit godt utgangspunkt.

Til dømes kan vi umedvite:

• Vurdere kandidatar som liknar oss sjølve litt meir positivt
• La éin sterk eller svak eigenskap farge heilskapen
• Bli påverka av kandidaten vi intervjua rett før

Ein kort pause mellom intervju og ei bevisst «nullstilling» kan bidra til at kvar kandidat blir vurdert på eigne premissar.

Under intervjuet: Lytt meir enn du snakkar

Eit godt intervju kjenneteiknast av at kandidaten får rom til å snakke og utdjupe. Opne spørsmål og aktive pausar kan gir som regel meir nyansert informasjon enn ja/nei-spørsmål.

Det også alltid lurt å notere stikkord undervegs. Hukommelsen er ikkje alltid like presis, særleg når du møter fleire kandidatar på same dag.

Å setje av tid til kandidaten sine spørsmål på slutten gir både nyttig innsikt og bidreg til ei god oppleving av prosessen.

Etter intervjuet: Ver systematisk

Du gjer deg sjølv ei stor teneste om du skriv ned ei kort vurdering medan inntrykka framleis er ferske. Ta då først og fremst utgangspunkt i dei kriteria de vart einige om på førehand.

Dersom fleire deltek i prosessen, be alle om å skrive ned si individuelle vurdering før de tek ein felles diskusjon. Slik sikrar du at fleire perspektiv kjem fram.

Eit godt intervju styrkjer omdømet dykkar

Eit profesjonelt og strukturert intervju aukar sjansen for rett tilsetjing. Ikkje minst gir det kandidaten ei god oppleving og eit godt inntrykk av deg som arbeidsgivar.

Jo meir systematisk du er, jo betre avgjersler tar du.

Og hugs:

De er to som tek eit val.

Ønskjer du ein meir detaljert tips-guide? Ta gjerne kontakt. Lukke til med intervjuprosessen!