Heim til jul?
Jula er eit nydeleg høve til å bli kjent med lokale arbeidsgivarar.
I jula er det mange som bevegar seg heimover og skal nyte nokre fridagar. Derfor ønsker lokale arbeidsgivarar å nytte høvet til å bli betre kjend med deg!
Her kan du sjå kven som inviterer til førjulstreff eller ein uformell kaffiprat.
Vi oppdaterer sida løpande om det skulle kome fleire initiativ 🫶
Måløy Vekst inviterer til juletreff 20. desember
Velkomen til årets Juletreff i Måløy! Her møtest studentar, unge vaksne og lokalt næringsliv for å knyte kontakt, bli kjent med jobb- og karrieremoglegheiter og bygge nettverk.
Juletreffet er ein unik arena der du kan møte bedrifter frå regionen, høyre inspirerande presentasjonar frå scena og få eit innblikk i kva som rører seg i næringslivet på kysten.
Tid og stad: 20. desember, 18:00 – 21:30, Samfunnshallen (Nordfjordhallen)
Velkomen heim, seier Odda:
Velkommen heim til Odda, 20. desember!
Vi kallar samlar unge som er heime på juleferie i Odda til eit uformelt og sosialt arrangement, i forkant av Odda banker jula inn. Her får du:
- Møte lokale verksemder og høyre kva dei kan tilby
- Bli kjend med unge som jobbar i regionen
- Smake lokal sider og få servert god mat
- Delta i samtalar og få inspirasjon til framtida
Etterpå går vi saman vidare til Odda banker jula inn! Dei 50 første som melder seg på Velkommen heim får gratis billett til konserten.
Og du? Fått med deg at vi startar utrullinga av traineestillingane for 2026/27 den 16. desember?? Her har du ein unik sjanse til å makse starten på arbeidslivet!
