Norec søker trainee innan kunnskap og læring

Søknadsfrist 26. mars.

Om stillinga

Jobb i Norec

Norsk senter for utviklingssamarbeid (Norec) er eit forvaltningsorgan underlagt Utanriksdepartementet. Vi er ein dynamisk arbeidsplass med engasjerte og kunnskapsrike medarbeidarar. Norec held til i Førde, mellom fjell og fjordar på det vakre Vestlandet.

Norec gir tilskot til internasjonale samarbeid som jobbar for å nå berekraftsmåla til FN. Vi er eit kompetansesenter for utvekslingssamarbeid, og gir unge menneske internasjonal arbeidserfaring og kunnskap innan berekraftig utvikling.

Meir enn 220 bedrifter, institusjonar og organisasjonar i Afrika, Asia, Latin-Amerika og Noreg er del av det internasjonale nettverket vårt.

Les meir om Norec på www.norec.no

Trainee i Norec

Er du nyutdanna, nysgjerrig og lysten på å lære meir? Har du lyst på ein unik start på karrieren? Vi er på jakt etter deg som vil vere med å vidareutvikle Norec som nasjonalt kompetansesenter for internasjonalt utvekslingssamarbeid.

Som trainee vil du jobbe i seksjon for kunnskap og læring. Vi har ansvar for kursing av deltakarar, partnarar og eksterne målgrupper, i tillegg til Norec sitt arbeid med analyse og læring. Gjennom året vil du få ei unik forståing av både det å jobbe i ei statleg verksemd, og utveksling som eit utviklingspolitisk verktøy.

Som trainee i Norec vil du jobbe med:

• planlegging, gjennomføring og utvikling av kurs
• utvikling av digitale læringsressursar og materiale
• å skape interesse blant potensielle tilskotsmottakarar
• innsamling og kvalitetssikring av data
• innhenting og omarbeiding av litteratur og forsking
• framstilling og forenkling av resultat og forsking til bruk i formidling

Arbeidsoppgåvene vil bli tilpassa kompetansen til den som blir tilsett.

Du har:

• relevant utdanning på bachelornivå eller høgare
• gjerne erfaring med dokumentasjonsarbeid og forsking
• gode norsk- og engelskkunnskapar både skriftleg og munnleg. Andre språk (mellom anna spansk) vil vere ein fordel
• gode kommunikasjons- og samarbeidsevner
• gode IT-kunnskapar
• evne til å jobbe sjølvstendig og god evne til å prioritere

Vi tilbyr:

• eit godt arbeidsmiljø med positive og ambisiøse kollegaer
• gode velferdsordningar og fleksibel arbeidstid
• moglegheit til å trene i arbeidstida

Stillinga er lønna etter stillingskode 1429 Aspirant.

Vi tilbyr gode pensjons- og forsikringsordningar i Statens pensjonskasse. Frå lønna blir det trekt 2 % til Statens pensjonskasse.

Les dette før du søker:

• Mangfald er ein styrke som gjer at vi kan løyse oppgåvene våre endå betre. Difor ønsker Norec medarbeidarar med ulike kompetansar, fagkombinasjonar, livserfaringar og perspektiv.
• Har du nedsett funksjonsevne, hol i CV-en eller innvandrarbakgrunn, oppfordrar vi deg som søkar til å krysse av for dette i jobbsøkarportalen. Er det kvalifiserte søkarar, kallar vi inn minst éin i kvar gruppe til intervju. Avkryssingane i jobbsøkarportalen blir berre brukt til å velje ut rette kandidatar ut frå desse kriteria, i tillegg til anonymisert statistikk.
• Du kan be om å bli unntatt den offentlege søkarlista. Dette må du i tilfelle grunngi. Vi kontaktar deg dersom ønsket ditt ikkje vert teke til følge.

Som Framtidsfylket-trainee får du:

• Ein spennande jobb og eit nettverk med andre traineear i bedrifter i Vestland fylke
• Fagleg og personleg utvikling
• Innsyn i eit mangfaldig næringsliv som for få kjenner til
• Fire traineesamlingar og ein utanlandstur
• Vestlandet 💚

Felles krav til alle som søker stilling som Framtidsfylket-trainee:

• Minimum bachelor eller mastergrad
• Maksimalt tre års arbeidserfaring etter studium
• Du må forstå og kunne kommunisere på norsk. Sjå elles arbeidsgjevar sine krav for språkkunnskap

Du vil jobbe som trainee hos oss i eitt år – frå august 2023 til august 2024.

Vil du vite meir om stillingane? Ta kontakt med oss:

Øystein Garfors, seksjonsleiar kunnskap og læring
E-post: oystein.garfors@norec.no
Telefon: 41 53 06 03

Camilla Ericsson Valvik, seniorrådgivar HR
E-post: camilla.valvik@norec.no
Telefon: 98 01 76 14

Dette er berre eí av femti traineestillingar i Distrikt-Vestland, sjekk ut alle her:
Årets Traineestillingar | Framtidsfylket.no