Vi søkjer ingeniør/konsulent - byggesak

Om stillinga

Vi har no ledig 100 % fast stilling ved teknisk kontor og søkjer etter deg som trivst med eit høgt tempo, har erfaring med offentleg forvaltning, og vil bidra til ei god byggeteneste i kommunen. Byggesak rettleiar publikum, behandlar søknadar og klagesaker. Vi fører tilsyn og følger opp ulovlegheiter. Hovudoppgåvene vil bli saksbehandling av byggesaker, frådelings- og dispensasjonssaker og oppgåver i samarbeid med arealplanleggjar.

Vil du vite meir om stillinga og korleis vi jobbar i avdelinga? Ta gjerne kontakt med oss, vi ser fram til å høyre frå deg.

Arbeidsoppgåver

• Saksbehandling av byggesaker, samt frådelings- og dispensasjonssaker
• Saksbehandling etter forureiningslova og forureiningsforskrifta
• Saksbehandling av saker etter anna lovverk som innan akvakultur, konsesjon og vassdragssaker.
• Tilsyn etter plan- og bygningslova og forureiningsforskrifta
• Oppgåver i samarbeid med planleggjar
• Rettleiing av publikum
• Andre relevante arbeidsoppgåver

Kvalifikasjonskrav

• Utdanning innan relevant fagområde frå universitet eller høgskule. Vi vil også vurdere kandidatar med teknisk fagskule og erfaring frå byggesaksbehandling
• Det er ønskjeleg med erfaring frå liknande arbeid i offentleg eller privat sektor
• God kjennskap til plan- og bygningslova, forvaltningslova, og anna relevant lovverk
• Førarkort klasse B

Om deg

• Du er strukturert
• Du trivast med å finne gode løysingar i arbeidskvardagen
• Du er dedikert til faget ditt og oppgåvene dine
• Du evnar å arbeide både sjølvstendig og i team
• Du kommunisera godt både skriftleg og munnleg

Vi tilbyr

• Varierte og utfordrande arbeidsoppgåver
• Eit godt arbeidsmiljø saman med engasjerte kollegaer
• Løn etter avtale
• Gode pensjons- og forsikringsordningar