Vi søker sommarvikarar for 2023

Om stillinga

Avdelinga vår for pengespel i Lotteritilsynet tilbyr sommarjobb til to studentar som er godt i gang med juridisk utdanning, eller har anna utdanningsretning og/med erfaring med forvaltningsoppgåver. Pengespel har ansvar for kontroll av spela til Norsk Tipping og Norsk Rikstoto, og for arbeidet med marknadskontroll, speleåtferd og kampfiksing. Vidare forvaltar pengespel den norske lotterimarknaden.

Stiftelsestilsynet tilbyr sommarjobb til to jusstudentar som er på minst 4. året. Samfunnsoppdraget til Stiftelsestilsynet er å skape tillit og tryggleik til stiftelsesforma gjennom aktivt tilsyn, rettleiing og informasjon. Du får praktisere juridisk kompetanse.

Avdelinga vår for frivillighetsstøtte i Lotteritilsynet tilbyr sommarjobb for ein student som er i gang med økonomiutdanning. Frivillighetsstøtte har blant anna ansvar for å forvalte ulike tilskotsordningar til frivillig sektor. Særs aktuelt no er forvaltning av straumstøtteordninga til frivillig sektor og tilsyn med grasrotandel frå Norsk Tipping.

Gjennom ein sommarjobb hos oss vil du få praksis og innsikt i våre spennande fagområde, samt erfaring frå offentleg forvaltning.

Vi ønsker vikarar som kan jobbe sommaren 2023, men vi er fleksible på tidsperiode.

Du sender inn ein felles søknad på alle stillingane. Dersom du har ønske om å jobbe på ei spesifikk avdeling, kan du merke søknaden med det.

Arbeidsoppgåver

• Enklare saksbehandling
• Skriftleg og munnleg brukarkontakt
• Andre oppgåver etter avtale

Kvalifikasjonskrav

• Mastergradsstudent innan økonomi (frivilligheitssøtte)
• Mastergradsstudent innan jus (pengespel og stiftelsar), eller har anna utdanningsretning og/med erfaring med forvaltningsoppgåver (pengespel)
• God skrifteleg og munnleg formuleringsevne

Om deg

Vi ser etter deg som er glad i å lære, nøyaktig og strukturert.

Vi tilbyr

• Kjekke kollegaer.
• Stort fagmiljø, med breitt samansett kompetanse og erfaring.
• Godt innarbeidd sak/arkivsystem, og gode rutinar for opplæring.
  
• Moderne kontorbygg midt i Førde sentrum, mellom anna med eige treningsrom og kantine.