Sommarjobb på Fjaler legekontor

Om stillinga

Fjaler legekontor held til i lyse og trivelege lokale på Fjaler helsetun som ligg sentralt til i kommunesenteret Dale. Ved Fjaler legekontor er det tilsett 3 fastlegar, 1 turnuslege og 4 helsesekretærar.

I sommar har legekontoret behov for ferievikar i resepsjonen i 8 veker frå 16. juni.

Søkjarar som kan vikariere i heile ferieperioden vert prioriterte

Arbeidsoppgåver

• Legekontoret bruker fagsystemet Infodoc plenario og arbeidsoppgåvene er i hovudsak resepsjon og svare på henvendingar frå pasientar
• Laboratorie- og skadestovearbeid (prøvetaking, analysering, supplerande undersøkingar som mellom anna EKG og audiometri, suturfjerning, sårskift, øyreskoling, injeksjonar, assistere lege)

Kvalifikasjonskrav

• Føremon dersom du har eller er under utdanning innan helse- og sosialfaglege yrker som t.d.sjukepleiar/bioingeniør eller har erfaring frå tilsvarande arbeid
• Beherske IKT
• Søkjarar må ha fylt 18 år
• Den som vert tilsett må legge fram godkjend politiattest og tuberkulinerklæring før tiltreding.

Om deg

• Interesse for å arbeide med menneske
• Sørvisorientert
• Gode kommunikasjonsevner
• Evne til samarbeid

Vi tilbyr

• Løn etter tariff og lokale lønsføresegner, der høgskulestudentar (innan helse- og sosialfag) vert løna utifrå kor langt ein er komen i studiet.