Er du Struktur ingeniør, interessert i ny teknologi og grøn skipsfart?

Om stillinga

Vi søkjer etter dyktige og motiverte skipsingeniørar innan struktur styrkeberekning som har spesiell interesse for ny teknologi og grøn skipsfart. Som ein del av vårt team vil du jobbe med prosjektering av nybygg og ombygging for ei rekke ulike fartøystypar.

Arbeidsoppgåver

I arbeidsoppgåvene inngår mellom anna:

• Skipstekniske berekningar
• Struktur- og styrkeberekning
• 2D tegning
• 3D modellering
• Konstruksjon
• Analyse
• Dokumentasjon
• Kommunikasjon med kundar, leverandørar, klasse, myndigheiter, samt internt i prosjekt team.

Om deg

Vi søkjer deg som har teknisk utdanning innan struktur styrkeberekning og har kunnskap om og interesse for framtidsretta skipsdesign.

Du har spesiell fokus på skreddarsaum, optimalisering og energieffektivitet, og blir gjerne motivert av å bidra til realisering av fartøy med grøne energibærarar. Om du har erfaring frå konstruksjon og berekning tel det positivt, samt om du har arbeidd på tvers av disiplinar.

God teknisk forståing er viktig, samt at du er løysingsorientert og effektiv. Vi samhandlar mykje både internt og eksternt, noko du bør like og handtere på ein god måte.

Du bør som alle våre tilsette ha vilje til å yte litt ekstra for å lukkast saman og levere dei beste tenestene.

Vi tilbyr

Hos oss får du vere del av eit solid team med ein framtidsretta og innovativ tankegang. Norwegian Ship Design er samansett av både unge, nyutdanna skipsingeniørar og godt erfarne fagpersonar som sit på mykje kompetanse og kunnskap. Vi har stor fokus på kompetanseoverføring og tilbyr eit miljø der vi både lærer av kvarandre og forskar på ny teknologi.

Du kjem til ein spennande og allsidig arbeidsplass med gode utviklingsmulegheiter. Vi har konkurransedyktig lønn og svært gode pensjons- og forsikringsordningar. Vi er gode på å ha det sosialt og moro i lag, og kosar oss litt ekstra når sjansen byr seg, både i liten og stor skala.

Ynskjer du å vere med å utvikle ny teknologi som vil sette spor i lang tid framover, ja, då er du velkommen til å søke hos oss.