Sjukepleiarar ved Interkommunale helsetenester Nordfjord, Stad kommune

Interkommunale helsetenester er akuttberedskapen i Nordfjord og har et vidt spekter av oppgåver og utfordringar som skal løysast. Vi er ein spennande arbeidsplass der ein kvar dag "kjenner pulsen på Nordfjord"- litt action, godt arbeidsmiljø og ein får utfordre seg sjølv. Her må ein være løysingsorientert og kunne stole på eigne vurderingar. I tillegg får ein ta del i eit arbeidsmiljø der ein arbeider tett med lege, ambulansepersonell og sjukepleiar, og det er stor takhøgde for å stille spørsmål.

Jobben som sjukepleiar ved IKHT er svært variert, og ingen vakter er like. Sjukepleiar byter på å jobbe med legevaktformidling, gje råd og rettleiing på telefon, stell og pleie til pasient ved ØHD, og pasientbehandling ved legevakta, utrykking med legevaktsbil. Stillinga har tredelt turnus, og arbeid to av sju helgar med langvakter.

Stad kommune er vertskommune for interkommunale helsetenester. Eininga omfattar legevakt, legevaktformidling og øyeblikkelig hjelp døgneining. Tenesta dekkjer kommunane Stryn, Stad og delar av Kinn (tidlegare Vågsøy kommune).

Interkommunale helsetenester har ledig:

• 1 x 84 %* fast stilling inkludert 12 % frie timar
• 1 x 90 %* vikariat inkludert 10 % frie timar frå snarast til 01.12.2024
• 1 x 14 % fast stilling helsepersonell helg frå 01.09.2024
  Er du sjukepleiarstudent, helsefagarbeidar eller ambulansefagarbeidar som er interessert i akuttmedisin, og likar å jobbe tverrfaglig, er fast 14 % helgestilling perfekt for deg! Stillinga har per no dagvakter frå 10.00 -17.30 laurdag og søndag, kvar 3. helg. Arbeid på heilagdagar må påreknast, og blir fordelt på tre tilsette i helgestilling.

*Stad kommune ynskjer å tilby 100 % sjukepleiarstilling. Då vert den resterande stillingsprosenten i ei anna eining der vi treng sjukepleiarar. Turnusen vert samordna mellom einingane for å få best mogleg tilpasning for arbeid og fritid.

Er du på søken etter ei stilling med faglege utfordringar, allsidig arbeidskvardag og personlig utvikling? Då håpar vi å høyre frå deg!

Arbeidsoppgåver

• Svare legevakttelefonen, hastegradsvurdering og prioritering av pasientar, rådgjeving til pasientar og helsepersonell

• Tilrettelegge og assistere ved skader, traume og akutt sjukdom

• Medikamenthandtering

• Observasjon, pleie og behandling av pasient

• Samhandle med helseforetak og andre kommunale teneste for koordinering av helsehjelp for innbyggjarane

• Fagleg oppdatering og øving ved ledig tid

Kvalifikasjonar

• Sjukepleiar med interesse for akuttmedisin

• Sjukepeiestudentar, helsefagarbeidar eller ambulansefagarbeidar

• Fordel med erfaring frå akuttmedisin

• God munnleg og skriftleg framstillingsevne på norsk

• God munnleg framstillingsevne på engelsk

• Førarkort kl B for utrykning av legevaktbil saman med lege. Moglegheit for å ta "utrykningslappen".

Personlege eigenskapar

• Du arbeider godt både sjølvstendig og i team

• Du kommuniserer godt i akutte og krevjande pasientsituasjonar

• Du er fleksibel, serviceinnstilt og imøtekomande

• Du trivast i ein uforutsigbar og hektisk kvardag med høg aktivitet

• Du har medansvar for eit godt arbeidsmiljø

• Du er ryddig og held orden rundt seg

Vi tilbyr

• God opplæring og oppfølging

• Utfordrande og varierte arbeidsoppgåver

• Øving i akuttmedisin

• Godt fagleg arbeidsmiljø med høg trivsel

• Tredelt turnus med langvakter helg. Tilrettelagt for kvile på langvakter.

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.

Vi ber om at attestar og vitnemål vert lasta opp saman med søknaden. Vi ønskjer at du oppgir referanser av nyare dato.

Politiattest skal leggjast fram før start i stillinga. Stad kommune har 6 månader prøvetid.