Ønskjer du arbeide innanfor fagfelta jordbruk, skogbruk og viltforvalting? Vi har ledig rådgjevarstilling

Om stillinga

Eininga landbruk og miljø har ansvar for fagfelta landbruk, klima og miljø. Vi er 9 faste tilsette. Vi er primært lokalisert til Sunnfjord rådhus i Førde, men har også høve til å jobbe frå servicetorga på Sande, Skei og i Naustdal. Vi har godt arbeidsmiljø og tilsette med brei fagleg bakgrunn innanfor landbruk, klima og miljøforvalting.

Vi har ledig vikariat som rådgjevar for landbruk i 100% stilling

Stillinga er ledig frå medio januar 2022 til medio oktober 2023, med mogeleg forlenging.

Arbeidsoppgåver

Vi søker primært etter deg som har/ønsker erfaring med forvalting av jord- og konsesjonslova. Innan fagområdet vil du samarbeide tett med tilsette ved eininga Areal og byggesak. Noko tilskotsforvalting og GIS er også aktuelt i vikariatet.

Oppgåver knytt til skogbruk og viltforvalting kan vere aktuelt dersom vi ikkje får søkarar som har høveleg kompetanse innan forvalting av jord- og konsesjonslov.

Kvalifikasjonskrav

• høgare utdanning innan fagområda Landbruk og eventuelt viltforvalting
• må beherske norsk, munnleg og skriftleg
• gode evner til å jobbe strukturert og samarbeide med kollegaer
• førarkort klasse B

Om deg

• erfaring frå offentleg forvalting, særskilt ønskeleg bakgrunn knytt til handsaming av jord- og konsesjonslovsaker
• kompetanse innan rettslære/offentleg rett/lovforvalting

Vi tilbyr

• varierte og utfordrande arbeidsoppgåver
• løns- og arbeidsvilkår i samsvar med gjeldande lover, reglar og tariffavtalar
• gode pensjons- og forsikringsordningar i KLP