Ønskjer du nye utfordringar og jobbe med fornybar energi?

Om stillinga

Vi har for tida høg aktivitet med nettutviklingsprosjekt på regional- og distribusjonsnettnivå, som er grunnlaget for framtidig smart infrastruktur i Sogn. Vi søkjer engasjert og dyktig elkraftingeniør som skal leie nettutviklingsprosjekt for spenningar frå 22 kV opp til 132 kV innanfor anleggstypane stasjonsanlegg og kraftliner.
Som ein av 13 prosjektleiarar i seksjon Nettutvikling, vil du vere med i eit dynamisk team og utvikle smart nettinfrastruktur som digitaliserer og elektrifiserer Noreg.

Arbeidsoppgåver

• Bidra til gjennomføring av Sygnirs nettutviklingsprosjekt for å leggje til rette for utvikling, elektrifisering og meir fornybar kraft i regionen.
• Ansvar for og leiing av prosjekt i regional -og distribusjonsnett, med hovudfokus på regionalnett, frå oppstart til ferdig leveranse. Arbeidsoppgåver vil vere planlegging, gjennomføring av konsesjonsprosessar, prosjektering, utarbeiding av tekniske spesifikasjonar og gjennomføring av anskaffingar, prosjektstyring og HMS-ansvar.
• Bidra til å bevare godt forhold til partnarar og kundar samt evne til å utvide eksisterande nettverk.

Kvalifikasjonskrav

• Sivilingeniør eller ingeniør innan elkraft eller energi og miljø
• Prosjekterings- eller prosjektleiarerfaring frå nettutviklingsprosjekt er ein fordel, men nyutdanna vil òg vere aktuelle kandidatar og oppfordrast til å søkje.
• Gode kommunikasjonsevner munnleg og skriftleg

Om deg

• Stor interesse for elkraftfaget samt fleirfagleg prosjektarbeid
• Trivast med å jobbe både sjølvstendig og i team
• Samhandlar godt med andre og har gode kommunikasjonsevner både munnleg og skriftleg
• Er ansvarsfull, engasjert og proaktiv samt har høg gjennomføringsevne
• Jobbar strukturert og målretta
• Løysningsorientert og motivert for ein travel kvardag

Vi tilbyr

Som prosjektleiar regionalnett i Sygnir vil du få engasjerte og kjekke kollegaer, samt faglege utfordringar i eit framtidsretta selskap med viktige og interessante oppgåver.