Arbeidsgivar | Område | Tilsettingsform | Del |
---|---|---|---|
Sogn og Fjordane Energi | Kinn | Fulltid |
Linja AS er nettverksemda i energikonsernet Sogn og Fjordane Energi. Vi er kring 140 medarbeidarar som jobbar med utvikling drift og vedlikehald av straumnettet i regionen. Linja har eit vidstrakt nett på kring 4000km. Selskapet har omfattande nybyggjingsaktivitet, og jobbar målretta med å utvikle framtidas nett- og systemløysingar.
Framtida er fornybar. Som medarbeidar i Linja AS har du jobb som gir meining. Kloden vår ropar etter klimatiltak, og fornybar energi er ein avgjerande del av løysinga.
Eit robust straumnett er nødvendig for å frakte straumen sikkert og effektivt ut og fram til kundane våre. Eit aukande behov for straum i framtida og mål om å bytte ut fossile energikjelder med fornybar energi gjer straumnettet til ein kritisk infrastruktur for utvikling av samfunnet.
Linja AS har eit omfattande program for utvikling av linjenettet i forsyningsområdet. Ein stor del av nettet nærmar seg teknisk levetid som fører til oppgraderingar og nybyggingar i mange år framover. Samtidig er det stor pågang frå verksemder i området som ønskjer ny nettilknyting gjerne med høg effekt som også krev tiltak oppover i nettet.