Open søknad - Norconsult Sogn og Fjordane

Norconsult er det største rådgjevarmiljøet i landet og tenestene våre er retta mot samfunnsplanlegging, prosjektering og arkitektur.

I Sogn og Fjordane har Norconsult ei sterk, tverrfagleg rådgjevargruppe med over 75 medarbeidarar. Vi har kontor i Førde, Flekke, Sogndal, Gaupne, Årdal, Sandane og på Nordfjordeid. Vi utfører tenester innan samfunns- og arealplanlegging, veg- og trafikk, landskapsarkitektur, VA, elektro, VVS, landmåling, geoteknikk, industri/maskin, ingeniørgeologi, miljø, konstruksjon, bygg- og anlegg og prosjektadministrasjon.

Vi utfører oppdrag for kommunar, statlege myndigheiter, private entreprenørar, grunneigarar og utbyggjarar. Det at vi er tilstades lokalt, gjer at vi forstår dei lokale behova og vi tek fatt på oppgåvene med ei tverrfagleg og heilskapeleg tilnærming samstundes som vi har Norconsult si breie erfaring og tyngde i ryggen. Dette sikrar både kvalitet, innovasjon og framtidsretta val. Oppdraga vert gjennomførte på kryss og tvers internt i Sogn og Fjordane, men også i andre deler av landet og i tett samarbeid med andre fagområde, kontor og avdelingar i heile Norconsult. Avhengig av bakgrunn og erfaring vil du kunne jobbe på store tverrfaglege prosjekt, men også i mindre, lokale oppdrag.

Vi har høge ambisjonar og ideal innan berekraft, digitalisering og samarbeid, og vert inspirerte av å kople det saman med kundane sine behov, slik at vi kan komme fram til den optimale leveransen for det aktuelle prosjektet. Vi finn løysningar gjennom samskaping og bruk av digitale verktøy, og er leiande innan gjennomføring av heldigitale og teikningslause prosjekt. Å utvikle eit berekraftig samfunn krev engasjement og samarbeid. Det er ein del av kvardagen for oss i Norconsult.

Den/dei som ønsker å vere med på laget vårt kan velgje kontorstad mellom kontora våre i Sogn og Fjordane.

Uansett om du er nyutdanna eller erfaren, er du hjarteleg velkommen med din spontane søknad!

Det er viktig at du grunngjev kvifor vi skal satse på akkurat deg!

Hjå oss får du:

• Spennande kompetansehevings- og karrieremogelegheiter innan marknad, fag, linje og oppdrag
• Verdibasert samfunnsplanlegging med fokus på framtidsretta og berekraftige løysingar
• Sterk bedriftskultur og godt arbeidsmiljø prega av uformelle kommunikasjonslinjer på tvers av organisasjon og geografi
• Eige fora for yngre medarbeidarar med direkte tilgang til toppleiinga i konsernet (Yngres Råd)
• Ordning for deling av overskotet der alle tilsette får direkte utbytte av resultatet i selskapet
• Eigarskap i Norges største tverrfaglege rådgjevarbedrift
• Gode løns- og arbeidsvilkår
• Fleksibel arbeidstid

Vi behandlar søkandar fortløpande.

Innsending av søknad:

Søknad med CV, vitnemål og attestar skal sendast via vårt elektroniske søknadsskjema på Norconsult sine internettsider. Innkomne søknader vert handsama fortløpande. Vi gjer merksam på at det berre er elektroniske søknadar som vil bli handsama. Oppgje i søknaden kva kontorstad du primært ønskjer.

Kontaktpersonar for søknad til sunnfjord og nordfjord: avdelingsleiar Førde Lars-Idar Vegsund, lars.vegsund@norconsult.com, tlf. 45404686