Økonom på jakt etter ny jobb?

No har du moglegheit til å bli ein del av NAV Økonomiteneste (ØT) på Leikanger – ein framtidsretta arbeidsplass som leverer interne lønns- og rekneskapstenester til heile NAV.

NAV Økonomiteneste tek fortløpande i bruk nye digitale løysingar for å sikre effektive tenester med høg kvalitet. Vi digitaliserer fleire oppgåver på lønnsområdet og førebur innføring av statlege rekneskapsstandardar (SRS). I lag med erfarne og dyktige kollegaer får du moglegheit til å utvikle eit viktig område internt i NAV.
Vi har ledig to faste stillingar som sakshandsamar ved Lønnsseksjonen. I tillegg vil midlertidige tilsetjingar bli vurdert.

Seksjonen har mellom anna ansvar for:

• Utbetaling av lønn (Unit4)
• Attestasjon og kvalitetssikring av reiserekningar (Unit4 Travel & Expenses)
• Forvaltning av tidregistreringssystemet (MinWinTid)
• Refusjon av foreldre- og sjukepengar for statleg tilsette i NAV
• Prosjekt og utviklingsarbeid Funksjonalitetstilpassingar i våre løysingar

Arbeidsoppgaver

• Sakshandsaming på reiseområdet i NAV
• Lønnsarbeid frå A til Å
• Analyse og rapportering
• Rådgjeving innan lønn, reise, tid og refusjon

Oppgåvene dine vil kunne endre seg ut frå dine interesser og vårt behov for din kompetanse.

Kvalifikasjoner

• Relevant høgare utdanning på minimum bachelornivå, gjerne innan økonomi, administrasjon, HR, juss
• Lang relevant erfaring kan kompensere for utdanningskravet
• Gode digitale ferdigheiter og gjerne kjennskap til lønn og regnskapssystem som t.d. Unit4 og MinWinTid
• God munnleg og skriftleg framstillingsevne på norsk

Vi ønskjer at du har god økonomiforståing og kjennskap til statleg regelverk på området.

Du er velkomen til å søke både som nyutdanna eller om du har lang arbeidserfaring. Motivasjon for stillinga og personlege eigenskapar vert lagt stor vekt på.

Personlige egenskaper

• Du jobbar systematisk, effektivt og nøyaktig
• Du trivast med eit høgt tempo
• Du har gode samarbeidsevner
• Du er utviklingsorientert og tek ansvar

Kven er vi?

NAV Økonomiteneste (ØT) er ein intern tenesteleverandør som leverer lønns- og rekneskapstenester til alle NAV sine statlege einingar. Dette inneber mellom anna utbetaling av 560 mrd. kroner i årlege ytingar, samt rettleiing for etaten sine 22 000 tilsette. NAV Økonomiteneste har ei viktig rolle for å sikre god rekneskapskvalitet i NAV. Eininga består av 95 tilsette fordelt på tre seksjonar og er lokalisert på Leikanger i Sogndal kommune, Vestland fylke.

Vi tilbyr

• Eit godt, inspirerande fagmiljø med spennande oppgåver
• Gode moglegheiter for fagleg og personleg utvikling
• Familievennleg personalpolitikk med gode velferdsordningar.
• Gode arbeidstidsordningar med fleksitid og treningstime i arbeidstida.
• Lønn som rådgjevar/seniorrådgjevar i lønnsspenn kr. 565 900 – 635 400 brutto pr år. For spesielt kvalifiserte søkjarar kan høgare lønn vurderast
• God pensjonsordning gjennom Statens Pensjonskasse
• Arbeidsstad er Leikanger, og vi praktiserer hybrid arbeidsplass med moglegheit for heimekontor inntil to dagar i veka

Arbeidssted

Sognefjordvegen 56
6863 Leikanger