Naturforvaltar i Luster kommune

Om stillinga

I avdelinga landbruk og naturforvaltning er det ledig vikariat/fast stilling som naturforvaltar. Stillinga er vikariat for anna medarbeidar frå 01.juni 2022 til 31.mai 2023, men det er mogleg med tidlegare tilsetting.

Stillinga er 100% stilling, der delar av stillinga vil jobbe opp mot andre avdelingar, særleg med plan- og forvaltningsoppgåver. Det er aktuelt å gjere stillinga fast, men det vil då bli endringar i arbeidsoppgåver etter 31.05.23.

Arbeidsoppgåver

• Naturvern, verneområde
• Miljø- og ureiningsarbeid
• Vassområdeforvaltning
• Klimaarbeid med blant anna kontroll av vassdragstiltak
• Sakshandsaming etter motorferdselslova
• Planlegging og handsaming innan fagområdet til avdelinga
• Utarbeiding av detaljreguleringsplan for sikring av hekkeområde
• Eventuelt andre kommunale plan- og forvaltningsoppgåver

Kvalifikasjonskrav

• Utdanning på masternivå innan naturforvaltning med vekt på biologi og økologi.
• Relevant praksis frå offentleg eller privat sektor. Praksis og god lokalkunnskap kan vege opp for lang teoretisk utdanning.
• Personlege eigenskapar som nytenking, interesse/engasjement innan fagområdet og evne til samarbeid blir vektlagt
• Fleksibilitet med omsyn til kveldsmøte o.a.
• God munnleg og skriftleg framstillingsevne

Særskild for stillinga:
Søkjar må disponere eigen bil i tenesta

Vi tilbyr

• Varierande, utfordrande og interessante arbeidsoppgåver
• Løn etter avtale
• Kommunale tilsetjingsvilkår med gode pensjons- og forsikringsordningar