Merkantil medarbeidar - skule

Vil du bli vår nye merkantile medarbeidar ved Hafslo barne- og ungdomsskule?

Skulen vår ligg sentralt i Hafslo sentrum, nede ved Hafslovatnet og er ein 1.-10.-skule. I dag har skulen 221 elevar og 44 tilsette. I SFO er det 54 born og frå hausten 2023 vert det tilsett ein eigen SFO-koordinator. Skulen vår er ein lærande organisasjon, der me er praksisskule og lærarutdanningsskule for Høgskulen på Vestlandet.

Skulen sin visjon er at me står saman for ein trygg oppvekst i eit aktivt og inkluderande læringsmiljø. Me jobbar etter PALS-modellen der stikkorda ansvar, omsorg og respekt er viktige verdiar. HBUS er oppteken av fysisk aktivitet og har lang tradisjon med å nytte den flotte naturen skulen har lett tilgjenge til. Me meiner at samarbeid i team gjev dei beste resultata for å skape motivasjon, trivsel og læring. Difor ynskjer me nye tilsette som brenn for det same som oss, og vil vere med på å skape ein god arbeidsplass. Alle nytilsette og nyutdanna vert godt ivareteken og får oppfølging av mentor.

Om stillinga

Skulen har ledig 50 % fast stilling som merkantil medarbeidar f.o.m. 01.08.23

Me søkjer
Ein serviceinnstilt, stabil og påliteleg person som er imøtekommande, har godt humør, ordenssans og gode samarbeidseigenskapar.

Arbeidsoppgåver:

• Fakturering
• Rekneskap
• E-handel
• Kundebehandling/sentralbord/ekspedisjon
• Saksbehandling
• Arkivering
• Skriving av referat og vedtak
• Anna førefallande kontorarbeid som t.d. administrering av Skolelyst, Den Kulturelle Skulesekken (DKS), skuleskyss, bussbestilling, utleige, dørsystem m.m.

Krav til kompetanse:

• fagbrev innan kontor- og administrasjonsfaget eller tilsvarande
• relevant yrkeserfaring
• at du er strukturert og nøyaktig i ditt arbeid
• at du kan jobbe sjølvstendig og ta initiativ
• forståing og bruk av informasjonsteknologi som arbeidsverktøy
• gode kommunikasjonsevner, munnleg og skriftleg – nynorsk

Ønska kvalifikasjonar for stillinga

• kjennskap til offentleg verksemd, gjerne skulesektoren
• kjennskap til systemet Visma Enterprise, Visma Flyt Skole, Office 365 og WebSak+ sak/arkiv.

Me kan tilby

• eit nettverk av gode og dyktige kollegaer kor hjelp og støtte aldri er langt unna
• eit aktivt og utviklande arbeidsmiljø
• kommunale tilsetjingsvilkår med gode pensjons- og forsikringsordningar
• løn etter gjeldande tariff og avtaleverk
• naudsynt opplæring vil bli gitt

Andre opplysningar

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.