Innkjøpar i Leikanger

Innkjøpsseksjonen har ansvar for samordning, oppfølging og utvikling av innkjøpsområdet i fylkeskommunen. I tillegg har seksjonen ansvar for tilrettelegging og bruk av IKT-verktøy i samband med innkjøpsverksemda. Seksjonen har totalt 18 medarbeidarar og er organisert i ei eining for operativt innkjøp, ei for strategisk innkjøp og ei for administrativ drift og utvikling. 14 av medarbeidarane har kontorplass i Bergen og 4 har kontorplass i Leikanger.

Eining for strategisk innkjøp arbeider primært med etablering og administrasjon av rammeavtalar, og gjennomføring av større einskildkjøp der beløpet er over 1,3 MNOK. Rådgjeving og leverandørutvikling er og sentrale oppgåver. Eining for strategisk innkjøp har totalt 10 medarbeidarar.

Arbeidsoppgåver

Ved eining for strategisk innkjøp er det ledig ei stilling som rådgjevar/spesialkonsulent med kontorplass i Leikanger. Vi søkjer deg som kan leie innkjøpsprosjekt og kvalitetssikre innkjøpsprosessar i samsvar med regelverket for offentlege anskaffingar. Dette omfattar å kartlegge marknaden og behova saman med brukarane i Vestland, utarbeide konkurransegrunnlag og kontraktsforslag, analysere tilboda som kjem inn, gjennomføre forhandlingar, dokumentere tilrådd løysing, ferdigstille kontraktar og følgje opp desse.

Som rådgjevar/spesialkonsulent vil du i det daglege arbeide operativt innafor innkjøpsområdet og vil i tillegg gje innkjøpsfagleg støtte og rettleie kollegaer i både eigen eining og i andre einingar i fylkeskommunen.

Kvalifikasjonar

Vi søkjer primært deg som har jobberfaring frå innkjøp eller prosjektleiing, gjerne i offentleg sektor, men vil vurdere innkomne søknader og kan alternativt tilsette nyutdanna. Vestland fylkeskommune har ein politisk vedteken innkjøpsstrategi der sosialt ansvar, løns- og arbeidsvilkår, seriøsitetskrav, miljø, leverandøroppfølging, forhandlingar, kategoristyring, behovsanalysar, SSA-avtalane og personvern vert sett på som viktige innkjøpsprinsipp. Erfaring frå eit eller fleire av desse områda vert sett på som positivt.

Utdanning:
- Ønskeleg med utdanning på minimum bachelornivå frå universitet eller høgskule.
- Anna utdanning kan og vurderast.

Jobberfaring:
- Ønskjeleg med erfaring frå innkjøps- og prosjektarbeid.
- Nyutdanna kan og søkja.

Personlege eigenskapar

- Kommersielt anlagt.
- Gode samarbeidsevner.
- Analytiske og strategiske evner.
- God munnleg og skriftleg framstillingsevne.
- Høg etisk standard.
- Evne til å arbeide sjølvstendig.

Vi tilbyr

- Eit godt og utfordrande fagleg miljø med høgt tempo.
- Fagleg dyktige kollegaer med stort engasjement for faget og arbeidsplassen sin.
- Varierte arbeidsdagar med ulike oppgåver og utfordringar.
- Moglegheit for heimekontor inntil 2 dager i veka.
- Kontorplass i rehabilitert fylkesbygg i Leikanger frå 2024.
- Fleksibel arbeidstid og gode pensjons- og forsikringsvilkår i tillegg til konkurransedyktig løn.

Stillinga vert lønna etter avtale og i samsvar med vanlege fylkeskommunale vilkår. Alle nytilsetjingar i Vestland fylkeskommune vert gjort med ei prøvetid på 6 månader. Administrasjonsmålet er nynorsk og opplæring vert gitt om nødvendig.

Dersom du ønskjer fleire opplysningar om innhaldet i stillingane og om tilsetjingsvilkåra kan du ta kontakt med Sturla Alvheim (92489670) eller Katrine Røkke Wilson (Leikanger) på tlf. 91 76 91 50.

Søkjarar må nytte den web-baserte søknadsportalen.

Søknadsfrist: 23.10.23