Ingeniør - prosjekt- og byggjeleiing

Luster kommune søkjer ny prosjekt- og byggjeleiar til oppfølging av kommunen sine investeringsprosjekt. Stillinga ligg til avdelinga eigedom, og er ei 100 % fast stilling som ingeniør.

Eigedomsavdelinga er eigar av alle kommunale bygg og anlegg, og har ansvar for bygg- og utviklingsprosjekt knytt til desse. Eigedom samarbeider tett med teknisk drift som har ansvar for den daglege drifta. Avdelinga består i dag av leiar eigedom, VA-ingeniør, tre byggingeniørar, og to rådgjevarar som blant anna jobbar opp mot utleigebustadar og støttetenester.

Luster kommune har ei rekke store og mindre investeringsprosjekt i tida framover, og treng ein engasjert prosjekt- og byggjeleiar som kan følgje opp prosjekt og byggjeleiing knytt til investering på bygg og anlegg i kommunen til beste for brukarar og i tråd med økonomiske rammer. Til stillinga vert det også lagt forvaltningsoppgåver kopla til kommunal eigedom og kommunale anlegg.

Arbeidsoppgåver

• Prosjektleiar knytt til byggutvikling og bygginvesteringar
• Ansvar for kvalitet, økonomi og framdrift i eigne prosjekt
• Sikre gode medverknadsprosessar
• Leie og koordinere prosjektet, på tvers av fagområde både med interne og eksterne ressursar
• Leie anbodsprosessar frå konkurransegrunnlag til kontrahering og gjennomføring

Kvalifikasjonar

• Utdanna ingeniør (gjerne med høgare utdanning), innan byggfag
• Relevant praksis frå offentleg og/eller privat sektor.
• Erfaring frå prosjekt- og byggjeleiing vil telje positiv.
• Personlege eigenskapar som evne til å samarbeide samt å arbeide sjølvstendig vil verta vektlagt.

Me legg vekt på

• Gode kommunikasjonsevner
• Gode samarbeidsevner og evner til å arbeide sjølvstendig

Me kan tilby

• Varierte, utfordrande og interessante arbeidsoppgåver
• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk.

Særskild for stillinga

• Søkjar må disponere eigen bil i tenesta.