Vil du bli fastlege i Sogndal?

Om stillinga

Leikanger legekontor

Ved Leikanger legekontor er det ledig heimel som fastlege frå 01.09.2022. Liste på 700 pasientar og 30% stilling som sjukeheimslege.

Legekontoret har 3 fastlegar og 1 LIS1. God bemanning av hjelpepersonell med erfarne sjukepleiarar.

Sogndal legesenter

Ved Sogndal Legesenter er det ledig nyoppretta fastlegeheimel frå snarast. Oppstart etter avtale. Liste på inntil 800 pasientar.

Legesenteret har 11 fastlegar i alderen 31 til 48 år, 6 spesialistar og 5 i spesialisering, samt 1 LIS1. God bemanning av hjelpepersonell med erfarne legesekretærar, sjukepleiarar og bioingeniørar.

Begge kontora har svært godt fagleg og sosialt miljø.

Me legg stor vekt på rettleiing integrert i praksis med sikte på at både kurativt arbeid og legevakt skal vere ein god plass å lære allmennmedisin og leggje grunnlaget for spesialisering. Me tilbyr fast rettleiar, hjelper med utdanningsplan, legg til rette for oppnåing av læringsmål og gir kompensasjon for fråvær for utdanning.

Kommunen eig og driv legesentera. Legane er sjølvstendig næringsdrivande med 8-2-avtale. Fastlønn kan vurderast dersom søkjar ynskjer det.

Legevakta er for tida 15-delt og dekkar ca. 12 000 innbyggjarar, inkludert ØHD. Heimevakt med legevaktlokale ved Sogndal legesenter. Me har legevaktbil og godt samarbeid med lokal ambulanse.

Legesentera er samlokalisert med mellom anna sjukeheim med ØHD, helsestasjon, fysioterapi og psykiatriteneste.

Arbeidsoppgåver:

• Allmennmedisinske oppgåver som fastlege.

Kvalifikasjonar:

• Norsk autorisasjon som lege.
• Gjennomført LIS1
• Førarkort klasse B

Personlege eigenskapar:

• Flytande norskkunnkapar, både skriftleg og muntleg.
• Gode evner til kommunikasjon og samhandling.
• Gode evner til å arbeide sjølvstendig og strukturert.
• Høg arbeidskapasitet.

Vilkår for fastlegeavtale går fram av lover, forskrifter, sentrale og lokale avtalar.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.

Link til søknadsskjema: Send søknad