Fagansvarleg oppmåling og GIS

Stillingsinformasjon

Luster kommune har ledig 100 % fast stilling som fagansvarleg oppmålig og GIS frå dags dato. Arbeidsstad er på Rådhuset i Gaupne. Stillinga ligg under planavdelinga, som omfattar plan, byggesak og oppmåling. Kommunen har 2 stillingar som har kartforvaltning/ GIS og oppmåling som si oppgåve.

Ved plan og oppmålingsavdelinga har me:

• Tenestebil
• Skal kjøpe nytt GPS-utstyr i år
• Programvare frå GISLINE-systemet til oppmåling, matrikkelføring, plan og VA vedlikehald.
• Godt regionalt samarbeid innan kart, GIS og oppmåling med nabokommunar.

Arbeidsoppgåver

Oppmåling utfører lovpålagde oppgåver kommunen har etter matrikkellova, eigarseksjonslova, plan- og bygningslova og gje bistand til andre avdelingar om grenser/kart/GIS og oppmålingsarbeid. I tillegg utfører oppmålinga adresseringsarbeid og gjev generell publikumsrettleiing. Har den som vert tilsett kompetanse innan andre fagområde underlagt avdelinga Plan, kan også stillinga få tillagt slike oppgåver.

Kvalifikasjonar

Primært ønskjer ein autorisert landmålar eller ingeniør med bachelor eller master innan relevant fagområde til stillinga. Søkjar med anna relevant utdanning og fagbakgrunn (realkompetanse) vil også bli vurdert.

Me søkjer etter person som har:

• god kjennskap til tingsrett/eigedomsrett, og evne til å bidra til høg fagleg kvalitet i offentleg forvaltning
• kunnskap om matrikkellova, plan- og bygningslova, eigarseksjonslova og andre relevante lover og standardar
• kunnskap om, og erfaring med bruk av moderne oppmålingsutstyr
• erfaring frå tilsvarande funksjon og arbeidsoppgåver
• kompetanse innan GIS, samt bruk og forvaltning av geodata
• førarkort kl. B
• gode norskkunnskapar, skriftleg og munnleg
• lisens for matrikkelføring

Me legg vekt på

• Ved vurdering av søkjarar vil det bli lagt vekt på personlege eigenskapar som t.d. gode samarbeids- og kommunikasjonsevner og evne til å arbeide sjølvstendig og strukturert, men også i team.

Me kan tilby

• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse og engasjerte medarbeidarar.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter avtale.
• Fleksitidordning

Andre opplysningar

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.