Energimontør regionalnett

Om stillinga

Linja AS er nettverksemda i energikonsernet Sogn og Fjordane Energi. Vi er kring 140 medarbeidarar som jobbar med utvikling drift og vedlikehald av straumnettet i regionen. Linja har eit vidstrakt nett på kring 4000km. Selskapet har omfattande nybyggjingsaktivitet, og jobbar målretta med å utvikle framtidas nett- og systemløysingar.

Som medarbeidar i Linja AS har du jobb som gir meining. Kloden vår ropar etter klimatiltak, og fornybar energi er ein avgjerande del av løysinga.

Eit robust straumnett er nødvendig for å frakte straumen sikkert og effektivt ut og fram til kundane våre. Eit aukande behov for straum i framtida og mål om å bytte ut fossile energikjelder med fornybar energi gjer straumnettet til ein kritisk infrastruktur for utvikling av samfunnet.

Linja har stor nybyggingsaktivitet i tilknytning til den auka elektrifisering av samfunnet og ny produksjon av ny fornybar energi. Del av dette er å utvikle framtidas smarte nettløysingar. Dette samtidig som vi må drifte og vedlikehalde eksisterande nett for å sikre ei trygg straumforsyning. Vi har eit godt fagmiljø med brei og variert kompetanse innan bygging og drift av vårt samfunnskritiske nett.

Arbeidsoppgåver

• Som energimontør i vår gruppe vil du jobbe med drift og vedlikehald på Linja sitt overordna regional og sentralnett.
• Delta i våre nybyggings- og rehabiliteringsprosjekt
• Feilretting, utskifting av komponentar i kraftnettet
• Delta i inspeksjonar, tilsyn og befaringar

Kvalifikasjonskrav

• Fagbrev som energimontør.
• Erfaring med linjearbeid.
• Andre fagbrev innan elektrofag vil bli vurdert. Dette med mål om å ta fagbrev innan energimontørfaget.

Om deg

• Ein person med godt humør og er i god fysisk form
• Er fleksibel, tek initiativ og liker å stå på
• Er oppteken av HMS og motivert for å vidareutvikle deg innan ditt fagområde

For å lykkast i stillinga bør du trivast med varierte arbeidsoppgaver, og er innstillt på ein del reise i arbeidet. Du må pårekne å måtte rykke ut på større feil og straumavbrot. Du viser gode haldningar til HMS og arbeider tråd med interne rutiner og instruksar. Du likar å ta ansvar og samarbeider godt med andre.

Vi tilbyr

• 100% stilling, Fleksibel arbeidstid, konkurransedyktige vilkår
• Fagleg og personleg utvikling i eit konsern i sterk vekst
• Eit godt og uformelt arbeidsmiljø prega av kompetanse, ansvarlegheit og nyskaping
• Et stadig aukande mangfald med omsyn til alder, kjønn og kulturell bakgrunn
• Meiningsfull jobb innanfor fornybarnæringa
• Gode offentlege tenester og ei mengde lokale tilbod innan kultur, sport og fritidsaktivitetar.
• Gode transport forbindelsar med bil, buss og fly