Barnehagelærar, Solvorn

Om stillinga

Barnehagen er del av Solvorn oppvekstsenter saman med skule og SFO, og har éin avdeling med 18 plassar. Dette barnehageåret er det 13 barn i barnehagen frå 1-5 år.

På skulen er det i år 20 elevar i 1.-7. trinn. Oppvekstsenteret bruker nærmiljøet og har ein naturplass like i nærleiken. Gjennom året samarbeider skule og barnehage på ulike måtar og har ein del felles aktivitetar.

Barnehagen tek del i utviklingsarbeidet til Lustrabarnehagen der psykisk helsefremjande leikemiljø (STYD) og psykisk helsefremjande barnehagar (COS) er satsingsområde.

Det er ledig 80 % fast stilling som barnehagelærar hjå oss frå 1. des. 2022.

Stillinga vert omgjort til vikariat om det ikkje lét seg gjera å få tak i kvalifisert barnehagelærar.

Arbeidsoppgåver

• delta i all aktivitet saman med ungane i barnehagen
• delta i planlegging av aktivitetar både ute og inne
• delta i utiklingsarbeidet til barnehagen
• samarbeida med personale og heimane til barnas beste

Kvalifikasjonskrav

• Utdanning som barnehagelærar, evt anna pedagogisk høgskuleutdanning eller erfaring frå arbeid i barnehage

Om deg

Personlege eigenskapar

• skapa gode relasjonar og trygge rammer
• vera tydeleg og tilstades ovanfor barna og deira behov
• vera spontan og løysingsorientert
• kunna samarbeida godt med personale og heimane
• delta aktivt i utviklingsarbeid
• lika å leika og vera ute

Vi tilbyr

• arbeid i ein veldriven kommune med gode og sikre rammevilkår
• eit godt og stabilt arbeidsmiljø med høg fagkompetanse
• gode moglegheiter for fagleg utvikling
• kommunale tilsetjingsvilkår med gode pensjons- og forsikringsordningar
• løn etter gjeldande tariff og avtaleverk