NAV Økonomiteneste søker trainee innan økonomi

Om stillinga

NAV Økonomiteneste er ein intern tenesteleverandør for lønns- og rekneskapstenester til alle NAV sine statlege einingar. Dette inneber mellom anna utbetaling av 562,5 mrd. kroner i årlege ytingar, samt rettleiing for etaten sine 14 000 tilsette. NAV sitt rekneskap utgjer 1/3 av statsbudsjettet, og NAV Økonomiteneste har ei viktig rolle for å sikre god rekneskapskvalitet i NAV. Eininga består av 90 tilsette fordelt på tre seksjonar og er lokalisert på Leikanger

Arbeidsoppgåver

Trainee-stillinga er utviklingsorientert og vi ynskjer å bruke din ferske kompetanse til å vidareutvikle vår organisasjon. Arbeidsoppgåvene er økonomifaglege, gjerne kombinert med teknologi og/eller analysearbeid.

Vi har ei brei oppgåveportefølje og kan kombinere desse arbeidsoppgåvene etter din kompetanse og dine interessefelt. Andre aktuelle fagområder kan vere kundeservice og innhaldsproduksjon til ulike plattformer (video, e-læring, tekst).

Kvalifikasjonskrav

Bachelor- eller mastergrad innanfor økonomi, administrasjon eller IT. Anna relevant utdanning kan og bli vurdert.

• Minimum bachelor eller mastergrad
• Maksimalt tre års arbeidserfaring etter studium
• Norsk som arbeidsspråk – muntlig og skriftlig

Felles krav til alle som søker stilling som Framtidsfylket-trainee:

• Minimum bachelor eller mastergrad
• Maksimalt tre års arbeidserfaring etter studium
• Du må forstå og kunne kommunisere på norsk. Sjå elles arbeidsgjevar sine krav for språkkunnskap

Om deg

• Du er sjølvstendig og strukturert, samtidig som du har gode samarbeidsevner
• Du har gode analytiske evner
• Du er initiativrik og utviklingsorientert
• Du tek ansvar og har gjennomføringsevne

Vi tilbyr

• Eit godt, inspirerande fagleg og sosialt miljø med spennande oppgåver
• Gode moglegheiter for fagleg og personleg utvikling
• Gode arbeidstidsordningar med fleksitid og treningstime i arbeidstida.
• Moglegheit for ein hybrid arbeidskvardag med ein kombinasjon av oppmøte på arbeidsplassen og heimekontor
• Medlemskap i Statens Pensjonskasse
• Gode velferdsordningar
• Løn etter avtale

Som Framtidsfylket Trainee får du:

• Ein spennande jobb og eit nettverk med andre traineear i bedrifter i Vestland fylke
• Fagleg og personleg utvikling
• Innsyn i eit mangfaldig næringsliv som for få kjenner til
• Fire traineesamlingar og ein utanlandstur

Du vil jobbe som trainee hos oss i eitt år – frå august 2022 til august 2023.