Er du Maskin Ingeniør, interessert i ny teknologi og grøn skipsfart?

Om stillinga

Vi søkjer etter dyktige og motiverte maskiningeniørar som har spesiell interesse for ny teknologi og grøn skipsfart. Som ein del av vårt team vil du jobbe med prosjektering av nybygg og ombygging for ei rekke ulike fartøystypar.

Arbeidsoppgåver

• Skipstekniske berekningar
• 2D teikning
• 3D modellering
• Konstruksjon
• Spesifikasjon
• Dokumentasjon
• Kommunikasjon med kundar, leverandørar, klasse, myndigheiter samt internt i prosjekt team.

Kvalifikasjonskrav

Vi søkjer dyktige og motiverte ingeniørar med marinteknisk utdanning. Søkjarar må ha kunnskap om og interesse for framtidsretta skipsdesign, og bli motivert av å bidra til realisering av fartøy med fossilfrie energibærarar og ha spesielt fokus på energieffektivitet. Erfaring frå konstruksjon og berekning, samt arbeid på tvers av disiplinar tel positivt.

Om deg

Vi søkjer deg som har marinteknisk utdanning, kunnskap om og interesse for framtidsretta skipsdesign.

Du har spesielt fokus på skreddarsaum, optimalisering og energieffektivitet, og blir gjerne motivert av å bidra til realisering av fartøy med grøne energibærarar. Om du har erfaring frå teikning og berekning tel det positivt, det samme gjeld deg med erfaring på tvers av disiplinar.

God teknisk forståing er viktig, samt at du er løysingsorientert og effektiv. Vi samhandlar mykje både internt og eksternt, noko du bør like og handtere på ein god måte.

Du bør som alle våre tilsette ha vilje til å yte litt ekstra for å lukkast saman og levere dei beste tenestene.

Vi tilbyr

Hos oss får du vere del av eit solid team med ein framtidsretta og innovativ tankegang. Norwegian Ship Design er samansett av både unge, nyutdanna skipsingeniørar og godt erfarne fagpersonar som sit på mykje kompetanse og kunnskap. Vi har stor fokus på kompetanseoverføring og tilbyr eit miljø der vi både lærer av kvarandre og forskar på ny teknologi.

Du kjem til ein spennande og allsidig arbeidsplass med gode utviklingsmulegheiter. Vi har konkurransedyktig lønn og svært gode pensjons- og forsikringsordningar. Vi er gode på å ha det sosialt og moro i lag, og kosar oss litt ekstra når sjansen byr seg, i både liten og stor skala.

Ynskjer du å vere del av ei solid bedrift som er leiande på sitt fagfelt både i Noreg og på verdsbasis, og der du får vere med å utvikle ny teknologi som vil sette spor i lang tid framover, ja då er du velkommen til å søke hos oss.