Helgestillingar og tilkallingsvikarar ved Seljetunet

Om stillinga

Er du interessert i å arbeide med mennesker og helsefaget? Er du under utdanning eller på utkikk etter nye utfordringar ? Sjå her!

Stad kommune har ledig fleire faste helgestillingar og tilkallingsvikarar ved Seljetunet omsorg og rehabilitering.

Stillingane er om lag 30% og inkluderer 10% frie timar. Det vert nytta årsarbeidsplan som gir god fleksibilitet i forhold til å planlegge arbeidstida. Stillingane har i hovudsak arbeid tilsvarande kvar 3. helg. Du kan inngå avtale om å arbeide fleire helgar i årsplanen mot ekstra kompensasjon. Du kan også jobbe som tilkallingsvikar og ta vakter etter behov i eininga.

Seljetunet omsorg og rehabilitering har totalt 48 plassar der 32 plassar er avsett til langtidsopphald i institusjon og 16 plassar er bemanna omsorgsbustader.
Eininga har tre avdelingar for langtidsopphald, der den eine avdelinga er spesielt tilpassa bebuarar med behov for skjerming i kvardagen. Einininga har i tillegg 6 senger til avlastingsopphald og korttidsopphald.

Seljetunet har hovudkjøkken som leverer mat til Seljetunet og til heimebuande i ytre del av Stad kommune.

Vi er opptekne av å utvikle tenestene i tråd med nasjonale føringar for morgondagens eldreomsorg. Vi arbeider målretta med kompetanseutvikling og eit best mogleg arbeidsmiljø for våre tilsette og legg vinn på god livskvalitet for bebuarane.

Arbeidsoppgåver

• Gjennomføre faglege oppgåver, omsorg og behandling
• Kartlegge og vurdere behov
• Følge opp og dokumentere tenesteytinga etter kvalitetskrav, lovverk og kommunale retningslinje

Kvalifikasjonskrav

• Lærlingar og studentar innan helsefaglege utdanningar kan gjerne søkje
• Andre kan også søkje, men det er i første rekkje behov for fagutdanna
• Gjerne relevant erfaring, kurs eller utdanning
• God munnleg og skriftleg framstillingsevne

Om deg

• Gode kommunikasjonsevner, høfleg og interessert
• Likar utfordringar og varierte arbeidsoppgåver
• Er fleksibel og interessert i forbetringsarbeid
• Tek initiativ og ansvar
• Kan arbeide sjølvstendig og saman med andre
• Fokus på etikk

Vi tilbyr

• Godt tverrfagleg samarbeid og godt arbeidsmiljø
• Høve til fagleg utvikling
• Løn- og arbeidsvilkår i samsvar med gjeldande lov- og avtaleverk
• Gode pensjons- og forsikringsordningar

Vi ber om at attestar og vitnemål vert lasta opp saman med søknaden. Politiattest skal leverast før start i stillinga.

Stad kommune har 6 månader prøvetid.

Vi gjer merksam på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.