Fastlege ved Eid legekontor

Om stillinga

Ledig fastlegeheimel på Nordfjordeid i Stad kommune.
Stad kommune lyser ut fastlegeheimel i godt opparbeidd praksis i kommunalt drive legekontor på Nordfjordeid frå 01.08.2022.
Fastlegeheimelen har ei listelengde på 800 pasientar og inntil 7,5 timar per veke i kommunal deltidsstilling. Stillinga er tredelt og omfattar kurativt arbeid, legevaktarbeid og offentlege arbeidsoppgåver.
Stad kommune har to legekontor som begge er kommunalt drive. Legetenesta i Stad har tolv fastlegeheimlar.
Legekontoret nyttar Infodoc Plenario journalsystem. Det er tilsett sjukepleiarar og legesekretærar som hjelpepersonell. Eid legekontor er med i pilotprosjekt om primærhelseteam.
Eid legekontor har eit godt fagmiljø med 8 andre fastlegar og LIS1. På Nordfjordeid ligg sjukehus med indremedisinsk døgnavdeling, laboratorium, røntgen, skadepoliklinikk, samt døgntilbod på distriktspsykiatrisk senter og ruspost.

Arbeidsoppgåver

• Stillinga er tredelt og omfattar kurativt arbeid, legevaktarbeid og er for tida tillagt 16% stilling som lege ved ØHD-avdeling på Nordfjordeid
• Kommunen er vertskommune for interkommunal legevakt
• 10-delt kommunal legevakt frå kl. 08.00 til kl. 16.00 på kvardagar. Resten av døgnet og i helgar om lag 20-delt legevakt knytt til Nordfjord legevakt (om lag 22 000 innbyggjarar)

Kvalifikasjonskrav

• Du må ha norsk autorisasjon som lege og fylle krava for refusjon frå HELFO
• Du må ha førarkort klasse B

Om deg

• Gode kunnskapar i norsk - både munnleg og skriftleg
• Evne til å skape gode relasjonar
• Gode kommunikasjons- og samarbeidsevner
• Evne til å arbeide målretta og sjølvstendig
• Evne til å arbeide strukturert og på systemnivå
• God fagleg vurderingsevne

Vi tilbyr

• Godt opparbeidd allmennmedisinsk praksis i eit godt kollegialt fellesskap
• God allmennmedisinsk rettleiing
• Gode økonomiske vilkår
• Flyttegodtgjersle

Attestar og vitnemål må leggjast ved søknaden. Vi ber om relevante referansar av nyare dato.
Politiattest skal leverast før start i stillinga.
Stad kommune har 6 månadar prøvetid.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ta gjerne kontakt for ein prat om stillinga!