Avdelingsleiar ved Seljetunet omsorg og rehabilitering

Om stillinga

Seljetunet omsorg og rehabilitering har ledig 100% fast stilling som avdelingsleiar frå 01.08.2022

Avdelingsleiar er organisert under einingsleiar og har ei nøkkelrolle i leiarteamet ved Seljetunet.
Seljetunet omsorg og rehabilitering har totalt 48 plassar der 32 plassar er avsett til langtidsopphald i institusjon og 16 plassar er bemanna omsorgsbustader.Seljetunet har tre avdelingar for langtidsopphald, der den eine avdelinga er spesielt tilpassa bebuarar med behov for skjerming i kvardagen. Det er i tillegg 6 senger til avlastingsopphald og korttidsopphald. Seljetunet har hovudkjøkken som leverer mat til Seljetunet og til heimebuande i ytre del av Stad kommune.
I leiarrolla på Seljetunet vil du få ansvarsfulle administrative og faglege oppgåver. Du vil få mogleik til personleg utvikling, samt være med å påverke utviklinga i tenesta.
Vi er opptekne av å utvikle tenestene i tråd med nasjonale føringar for morgondagens eldreomsorg. Vi arbeider målretta med kompetanseutvikling og eit best mogleg arbeidsmiljø for våre tilsette og legg vinn på god livskvalitet for bebuarane.
Vi søkje deg som er innovativ og som likar å jobbe med kontinuerleg forbetringsarbeid. Du vi få bidra med nye idear og perspektiv i tenesteutviklinga.
Stad kommune er i ein større omstillingsprosess. Helse og omsorgstenestene har pågåande fleire prosjekt knytt til dette for å evaluere og justere tenestene der dette er formålstenleg. Seljetunet er ein del av denne omstillinga. Målet er å sjå om tenestene er organisert på ein bærekraftig og effektiv måte, som også tek høgde for økonomisk gevinst.
Vi ønskjer å utvikle eit livskraftig og trygt samfunn der vi alle dreg i lag. Vi ønskjer akkurat DEG med på laget!
Sjekk oss gjerne ut på facebook: Seljetunet, Kokkane på Seljetunet.

Arbeidsoppgåver

• Leie den daglege drifta i eininga saman med leiarteam
• Kartlegging og sakhandsaming i samarbeid med personale
• Utarbeide turnusar og arbeidsplanar for dei tilsette
• Medansvar for faglege vurderingar, rettleiing av personale og utvikling av eininga
• Delta i møter med aktuelle samarbeidspartnarar
• Delta i økonomistyring og ansvar for innkjøp i samarbeid med einingsleiar
• Ansvar for organisering av lærlingar
• Oppfølging nytilsette i samarbeid med personale

Kvalifikasjonskrav

• Offentleg godkjend/ autorisert sjukepleiar
• Vidareutdanning og erfaring innan helserett og sakshandsaming er ein fordel
• Motivasjon til å vere leiar. Det er ein fordel med leiarerfaring og leiarutdanning
• God økonomi-, system- og organisasjonsforståing
• Er oppdatert på nasjonale mål og relevant lov- og avtaleverk

Om deg

• Er fagleg oppdatert og oppteken av kvalitet i tenesta
• Er strukturert, nøyaktig og systematisk
• Gode norskkunnskapar både munnleg og skriftleg
• God relasjonell kompetanse og evne til å skape lagånd og godt samarbeid
• Er sjølvstendig og endringsvillig

Vi tilbyr

• Godt og nært tverrfagleg samarbeid
• Godt arbeidsmiljø
• Høve til fagleg utviklingLøns- og arbeidsvilkår i samsvar med lokalt og sentralt avtaleverk
• Gode pensjons- og forsikringsordningar
• Flyttegodtgjersle om du flyttar frå annan kommune

Stad kommune har seks månader prøvetid. Politiattest skal leggast fram før start i stillinga. Vi ber om referansar av nyare dato.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ta gjerne kontakt for ein prat om stillinga!