Dette skjedde på ELEVATE – dag éin
Karrierefestivalen i Sunnfjord er godt i gang. Her kan du sjå kven som besøkte festivalen første dagen.
Korleis makse arbeidslivet
Det aller første som skjedde under ELEVATE var frukostmøtet Kaffi & Karriereprat. Amund Fjeldstad er ein ettertrakta foredragshaldar som brenn for å skape gode arbeidsplasser, der medarbeidarane trivst og presterer. Han klarte å inspirere til eit betre arbeidsliv og skape engasjement i salen.
"Gjer arbeidslivet til noko givande"
Amund Fjeldstad har lang erfaring frå arbeidlivet og har knekt nokre kodar.
Mange hadde møtt opp for å høyre korleis makse arbeidslivet.
Kaffi vart servert av Mr. Sognefjord Kaffibrenneri himself, Kjetil Russenes.
Å navigere etter indre verdiar var tema for frukostmøtet.
Amund Fjeldstad fekk morgontrøtte sunnfjordingar til å vakne.
Arbeidslivets sosiale medium
Vidare på programmet var LinkedInkurs med Kathe Arnesen på Peak Sunnfjord . Smekkfull kantine vitna om at mange ville lære meir om å bygge personleg merkevare og nettverk på arbeidslivets sosiale medium.
"Unngå solbriller og paraplydrink på LinkedIn"
Kathe Arnesen trakk full sal på LinkedInkurs.
Bruk tid på å bygge ein god LinkedIn-profil var eitt av råda salen fekk.
Ikkje éin ledig sitteplass var å oppdrive på det populære lunsjmøtet.
Bedriftspitches + Dangfart
Om det var internettfenomenet Dangfart Tønnesen eller dei attraktive bedriftene som drog flest folk er vanskeleg å seie, men komboen såg ut til å treffe sunnfjordingane bra. På scena stod:
- Norec
- Helse Førde
- Sunnfjord kommune
- PwC
- Lotteri- og stiftelsestilsynet
- CrediCare
- Sparebanken Sogn og Fjordane
- Enivest
Og etter at alle hadde presentert seg i form av fem minutt korte pitchar, var det tid for bingo med Dangfart Tønnesen – til humring frå salen.
Slik såg det ut på Larris under ELEVATE
Eitt av måla for kvelden var mingling mellom bedrifter og arbeidstakarar.
Silje Vallestad og Linna Savland var to av dei som tok turen.
Lotteri- og stiftelsestilsynet presenterte seg på scena.
Ramma for kvelden var casual stemning, god mat og god drikke.
Lene Ellingsund frå Vookal tok turen.
Dangfart Tønnesen kom heilt frå Mannsverk i Bergen for å underhalde sunnfjordingane.
Han rigga opp til bingo – kanskje ikkje det som har vore mest av på Larris scene.
Så glad vart Andreas Campbell Pedersen då han fekk bingo.
Takk til alle som tok turen.
