Skal du tilsette trainee?

No tar vi inn nye traineebedrifter med oppstart august 2027. Er du klar for å tilsette ein ivrig, nyutdanna kandidat?

Fram mot sommaren i 2027 lanserer vi traineestillingane med oppstart i august 2027.

Som traineebedrift får du

• Ta del i ein omfattande, nasjonal marknadskampanje
• Velje blant gode kandidatar i søknadsbunken
• Ein nytilsett trainee som startar hos deg i august 2026
• …og tilfører bedrifta frisk kompetanse og ny driv!

Ønsker du å vite meir? Send e-post til kine@framtidsfylket.no eller ring 909 89 738.

Kvifor skal du tilsette ein trainee?

Det er mange gode grunnar til å tilsette ein trainee, og aller viktigast er kanskje fersk og ettertrakta kompetanse inn i bedrifta. Framtidsfylket står for ei solid marknadsføring av traineestillingane med mål om at du skal få gode kandidatar i søknadsbunken.

Ordninga fokuserer sterkt på kompetansebygging for kvar einskild trainee som skal vere eit gode for arbeidsgivar:

• Personleg utvikling
• Kompetanseheving
• Bygge kunnskap om bedrifter og næringsliv i fylket
• Skape relevante nettverk

Traineen har

• maks tre års arbeidserfaring
• fagskule-, bachelor- eller masterutdanning etter ønske frå deg
• og skal beherske norsk munnleg og skriftleg

Kva krev det å vere traineebedrift?

Er du allereie god på å ta i mot nytilsette, så krev det ikkje så mykje ekstra å tilsette ein trainee. Vi følger best praksis for onboarding og forventar:

• Forventingsavklaring mellom leiar og trainee
• Mentor for traineen
• Oppfølgingssamtalar
• At arbeidsgiver legg til rette for deltaking på samling og studietur
• Medlemskap i Framtidsfylket

For å bidra til ein god oppstart, skal mentor delta på samlingar for å gje tryggheit i rolla.

Rekruttere og behalde ung arbeidskraft i Vestland

Mangel på kompetent og nødvendig arbeidskraft er ei utfordring i Vestland, og spesielt i distrikta. Framtidsfylket jobbar for at du skal få tak i nødvendig kompetanse, og til no har vi rekruttert over 400 kandidatar til traineeprogrammet vårt. Bidra til å rekruttere og behalde ung arbeidskraft i Vestland – sats på ein trainee.