Nordfjord

I Nordfjord får du jobbe midt i ei unik blanding av naturressursar, industri og nyskaping. Her er fjorden, fjella og kysten ikkje berre kulissar – dei er sjølve grunnlaget for jobbane. Resultatet er eit variert arbeidsliv med høg aktivitet, der du er ønska og kan få meir ansvar raskare enn i ein storby.

Sjå ledige stillingar i Nordfjord

Skap verdiar lokalt og internasjonalt!

Nordfjord har eit allsidig næringsliv der industrien står sterkt, med alt frå matproduksjon og båtbygging til avanserte material og teknologi – ofte med marknader langt utanfor regionen. Eit datasenter bygd inne i ei nedlagd
gruve, kjølt med fjordvatn, med internasjonale kundar, er eksempel på kva fantastiske ting som blir skapt i regionen. Samstundes er havet ein viktig motor, med mange jobbar innan fiske, havbruk og maritim verksemd.  Reiseliv er også ein stor del av arbeidslivet, driven av spektakulær natur og opplevingar året rundt. 

Regionen har vekst innan bygg og anlegg, handel og tekniske fagmiljø, der samarbeid står sentralt. Samstundes er helse, kommune og offentlege tenester blant dei største arbeidsgjevarane i Nordfjord, med behov for alt frå pedagogar og sjukepleiarar til ingeniørar og juristar. Nordfjord har også sterke fagmiljø innan fornybar energi, kraft og forretningstenester, som gir moglegheiter for både teknologar og økonomar. Til saman gir dette eit arbeidsliv der du kan jobbe praktisk eller høgteknologisk – og vere med å skape verdiar både lokalt og internasjonalt.

Mange kjem inn i arbeidslivet i Nordfjord gjennom lærlingplass og fagbrev, og fleire av industri- og havbruksbedriftene tek inn lærlingar kvart år.

I Nordfjord er vegen kort mellom arbeidsliv, fritid og folk. Her er det er lett å bli del av eit aktivt lokalsamfunn og å knyte kontaktar på tvers av bransjar og bygder. Bu tett på toppturar, strender i verdsklasse, vikingskip og andre attraksjonar turistane reiser langvegs for å sjå, samtidig som du har ein jobb der du kan påverke retninga.

Vil du lese meir om å bu og jobbe i Nordfjord?

Gå til Nord+Fjord

2348

Arbeidsgjevarar

med over 3 tilsette i Nordfjord

37

Bedriftsmedlemmar

frå Nordfjord i nettverket

26

tusen innbyggjarar

i Nordfjord

Derfor jobbar vi i Nordfjord

I Nordfjord kan du bidra til lokal verdiskaping, men også internasjonal. Naturen dannar grunnlaget for turisme og fleire eksportretta næringar, samtidig som du er ønska i offentleg sektor.

I eit slikt selskap kan eg vere med og påverke. Eg har lyst å kutte utslepp og redusere klimaendringar, og det får eg jobbe med kvar einaste dag.

Astrid Myren, SFE/Nyvinn

Nordfjord kombinerer det beste frå to verder: eit innovativt næringsliv med internasjonalt utsyn, samtidig som du har kort veg til natur, kultur og fellesskap.

Erik Koopmans, Flokk & Fjell

Eg får jobbe med spennande prosjekt, og samtidig vere der eg vil vere i kvardagen. Mange går rundt og trur dei må bu i byane, men det stemmer jo ikkje

Eivind Skrede, Ulriken Consulting

Din neste arbeidsgivar i Nordfjord

Sjekk ut våre medlemmer i Nordfjord. Kanskje finn du din neste arbeidsgivar?

Eg trur det er lettare å få til noko på ein liten plass. I ein by blir du fort ein av mange, medan her merkar eg at folk ser meg. Eg har fått veldig mykje heiarop.

Anne-Malin Sørland Aase, Dakapo Saum

Dei kom for jobben

Kvart år takkar både erfarne og nyutdanna ja til eit arbeidsliv i Nordfjord. Dei kom for jobben, men blir for naturen, fritida, menneska og moglegheitene.

Les fleire historier

Historier frå Nordfjord

Les historia til andre som har valt Nordfjord som arbeidsstad og bli inspirert!

Sjå alle historier frå Vestland

Kanskje ein annan region passar deg betre?

Sjå alle regionar
Nordfjord
 
Sogn
 
Sunnfjord
 
Sunnhordland
 
Nordhordland
 
Hardanger og Voss