Vil du bli vår nye rådgjevar innan landbruk og mat?

Arbeidsoppgåver

Dei viktigaste arbeidsoppgåvene vil vere:

• Faglege gjeremål for å samle til felles innsats for landbruk og matproduksjon i Vestland.
• Arbeide med ulike prosjekt som fylkeskommunen leiar eller deltek i.
• Planlegge, arrangere og delta på samlingar og nettverk.
• Oppgåver innan kunnskapsutvikling og kompetanseheving.
• Støtte kommunar og andre aktørar som arbeider med næringsutvikling knytt til landbruket.
• Arbeide med tiltak i samsvar med årsplanen i temaplan for landbruk.
• Skrive saker som skal til politiske utval.
• Sakshandsaming og rådgjeving innan ansvarsområdet.
• Andre oppgåver knytt til landbruk og næringsutvikling kan bli lagt til stillinga.

For den rette kandidaten kan det også vente spanande oppgåver innan ein styrka innsats på lokalprodusert mat og drikke:

• Arbeid med å styrke verdiskaping knytt til lokalmat og drikke i heile fylket.
• Kompetanse, rekruttering og omdømebygging innan området.
• Utvikle og implementere strategiar og tiltak for å fremje mat og mattradisjonar frå fylket.
• Bygge nettverk og legge til rette for eit godt samarbeid med næringsaktørar, organisasjonar og utdanningsinstitusjonar.
• Delta i innsats der vi ser landbruk, reiseliv, mat og kultur i samheng
• Legge til rette for kompetanseutvikling generelt og følgje opp Kompetansenettverket for lokalmat.
• Bidra til arbeidet med å rekruttere til restaurant- og matfag.

Du vil samarbeide tett med kollegaer innan ulike fagområde i fylkeskommunen, og du vil ha god samhandling med samarbeidspartnarane våre. Innovasjon Norge, faglaga i landbruket, Statsforvaltaren si landbruksavdeling og kommunane er viktige samarbeidsaktørar. Temaplan landbruk er utarbeidd i samarbeid med desse aktørane, og set mål for arbeidet. Fylkeskommunen samlar denne partnerskapen til felles innsats for å utvikle landbruket i Vestland.

Kvalifikasjonar

Du som vert tilsett må ha:

• Relevant høgare utdanning, helst på masternivå. Søkjarar utdanning på bachelornivå og med lang og relevant erfaring kan også vere aktuelle for stillinga. Du vert då formelt tilsett som seniorkonsulent.
• Innsikt i problemstillingar kring næringsutvikling, med vekt på landbruk og mat.

Det er ein fordel om du har:

• Erfaring med å legge til rette for næringsverksemd og utvikling innan landbruk og mat.
• Kjennskap til offentleg verksemd.

Personlege eigenskapar

Vi ser etter deg som:

• har gode samarbeidsevner og positiv innstilling.
• har evne til å ta initiativ og ansvar.
• kan arbeide strukturert og sjølvstendig.
• er utviklingsretta og løysingsorientert.
• har gode formidlingsevner, både munnleg og skriftleg.

Vi tilbyr

• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn etter avtale.
• Fleksibel arbeidstid.

Har du spørsmål omstillinga, kontakt oss gjerne!

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.