Vil du starte ingeniørkarrieren midt i den grøne omstillinga?

Hywer ser etter deg som vil jobbe med prosjekt innan fornybar energi og vere med på å utvikle vasskraftprosjekt frå idé til ferdig anlegg. Hos oss blir du ein del av eit fagleg sterkt og inkluderande miljø, der du får jobbe tett på erfarne kollegaer og lære mykje – fort.

Kva jobbar Hywer med?

Hywer er ein leiande leverandør av løysingar innan vasskraft, og leverer alt frå enkeltkomponentar til komplette vasskraftanlegg. Vi har erfaring frå nær 90 kraftverk og over 600 vasskraftprosjekt, og jobbar i heile verdikjeda – frå design og prosjektering til bygging og idriftsetjing. Vi er i dag rundt 45 tilsette, med hovudkontor i Dale i Sunnfjord, og er eit heileigd dotterselskap i Saint-Gobain-konsernet. Her kombinerer vi tryggleiken frå eit stort konsern med raske avgjerder og stor påverknad i kvardagen.

Kva går traineestillinga ut på?

Som trainee maskiningeniør vil du jobbe med gjennomføring av vasskraftprosjekt, der hovudfokuset er:

• Teknisk prosjektering av vasskraftløysingar
• Planlegging og oppfølging av aktivitetar i prosjekt
• Fagleg støtte gjennom heile prosjektets livsløp – frå forprosjekt til idriftsetjing
• Utarbeiding av tekniske berekningar, teikningar og modellar
• Bidrag til teknisk kvalitet, framdrift og gode løysingar i prosjekta
• Du vil jobbe i tverrfaglege team, saman med prosjektleiarar, prosjekteringsleiarar og andre fagressursar, og få god oppfølging og rettleiing undervegs.

Kven ser vi etter?

Vi ser etter deg som er nyutdanna maskiningeniør (bachelor eller master), og som er nysgjerrig på vasskraft, energi og prosjektarbeid.

Vi håpar du:

• Har utdanning innan maskinfag eller tilsvarande
• Er motivert for å lære og utvikle deg fagleg
• Trivst med både sjølvstendig arbeid og samarbeid i team
• Er strukturert, løysingsorientert og teknisk interessert
• Kommuniserer godt på norsk og engelsk, munnleg og skriftleg

Erfaring frå prosjektering eller relevante verktøy (som 3D-modellering, berekningar eller tekniske teikningar) er ein fordel – men ikkje eit krav i ei traineestilling.

Kvifor starte karrieren din hos Hywer?

Hos oss får du:

• Ein trygg start på ingeniørkarrieren med tett fagleg oppfølging
• Arbeid med reelle prosjekt som bidreg til fornybar energiproduksjon
• Eit sosialt og fagleg sterkt miljø med kort veg til avgjerder
• Gode utviklingsmoglegheiter og konkurransedyktige vilkår
• Fleksitid og moglegheit til å påverke eigen arbeidskvardag

Arbeidsstaden din vil vere ved hovudkontoret vårt i Dale i Sunnfjord – midt mellom fjord, fjell og natur, og med kort veg til både friluftsliv og vårt rike kulturliv. Les gjerne meir om kommunen Fjaler på Sunnfjord.no

Har du spørsmål om stillinga, kan du ta kontakt med Bjarte Grytli Seim, Avdelingsleiar prosjektering

📞 45 40 17 18

Felles krav til alle som søker stilling som Framtidsfylket-trainee:

• Minimum bachelor, master eller fagskuleutdanning
• Maksimalt tre års arbeidserfaring etter studium
• Du må forstå og kommunisere på norsk. Sjå elles arbeidsgjevar sine krav for språkkunnskap.

Du vil jobbe som trainee hos oss i eitt år – frå august til august.