Spesialbibliotekar / universitetsbibliotekar - Biblioteket, eining for informasjonsressursar

Dette er Høgskulen på Vestlandet

Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Biblioteket er organisert som ein del av HVLs fellesadministrasjon, og er i dag organisert med fire eningar; eining for publikumstenester, eining for studiestøtte, eining for forskingsstøtte og eining for informasjonsressursar. Bibliotektenesta omfattar fem fysiske bibliotek fordelt på fem campus. Biblioteket har eit bredt tenestetilbod for studentar og tilsette, og skal vidareutviklast som eit tidsaktuelt utdannings- og forskingsbibliotek som aktivt støttar opp under høgskulens faglege profil og ambisjonar.

Ved Høgskulen på Vestlandet er det ledig ei fast 100% stilling som spesialbibliotekar/universitetsbibliotekar

Stillinga er knytt til biblioteket si eining for informasjonsressursar og rapporterer direkte til leiar for eininga. Arbeidsstad er campus Sogndal, med hovudansvar for innkjøp og vedlikehald av samlingane i campusbiblioteket. Stillinga vil også ha medansvar for samkøyring og utvikling av bibliotektenester på tvers av HVL sine fem campus. I tillegg inngår stillinga i biblioteket si førstelinjeteneste med skrankevakter og fysisk og digital rettleiing av studentar og tilsette. Stillinga vil også inngå i ulike team på tvers av campus med stor grad av digital samhandling.

Ansvars- og arbeidsoppgåver:

• Samlingsutvikling av trykte og elektroniske ressursar
• Forbetring og vidareutvikling av rutinar og tenester knytt til samlingsutvikling
• Arbeid med akkvisisjon i biblioteksystemet og tilhøyrande system. Biblioteket nyttar i dag biblioteksystemet Alma.
• Katalogisering og klassifikasjon
• Innkjøp til biblioteket sine samlingar
• Kontakt med fagmiljøa i HVL rundt innkjøp av biblioteket sine ressursar
• Marknadsføring og formidling av biblioteket sine ressursar mot studentar og fagmiljø
• Internopplæring, utviklings- og koordineringsoppgåver på tvers av campus
• Førstelinjetenester, fysiske og digitale
• Rettleiing i informasjonssøk og kjeldebruk
• Statistikk- og analyseoppgåver knytt til ansvarsområdet
• Anna fagleg arbeid i eininga
• Andre oppgåver kan bli lagt til stillinga ved behov

Kvalifikasjonskrav:

• Minimum bachelorgrad i bibliotek- og informasjonsvitskap, eller tilsvarande bibliotekfagleg utdanning
• Erfaring med undervisning og rettleiing frå fag- og forskingsbibliotek vert vektlagt
• God kjennskap til katalogisering, metadataproduksjon og prinsipp for kunnskapsorganisering
• God digital kompetanse og erfaring med relevante digitale system
• God munnleg og skriftleg framstillingsevne på norsk og engelsk
• Relevant arbeidserfaring og personleg eignaheit vert vektlagt
• For tilsetting som universitetsbibliotekar vert det krevd utdanning på masternivå.

Personlege eigenskapar:

• Systematisk og nøyaktig, med interesse for kunnskapsorganisering, metadata og system
• Evne til å sjå smarte løysingar og tenkje utvikling
• Kunne jobbe sjølvstendig, effektivt og resultatorientering
• Gode samarbeidsevne, serviceinnstilt, initiativrik og fleksibel

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga er løna etter Statens lønsregulativ, i stillingskode 1515 - Spesialbibliotekar eller i stillingskode 1199 - Universitetsbibliotekar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Kontaktpersonar ved Høgskulen på Vestlandet er:
Avdelingsleiar Turid Bogetvedt Hitland
E-post: turid.bogetvedt.hitland@hvl.no
Tlf: 55 58 55 44

Einingsleiar Ragnhild Vingsand
E-post: ragnhild.vingsand@hvl.no
Tlf: 55 58 75 21

Inkludere, utfordre og samhandle
Les meir på våre heimesider.