Sjukepleiar i omsorgstenestene i Hyllestad

Vi har ledig fast 100 % stilling som sjukepeleiar, oppstart i stillinga etter nærare avtale.

Kvifor søkje hos oss?

• Du får høve til å bli ein god "allround"-sjukepleiar, bruke dine personlege eigenskapar og gje god sjukepleie til pasientane våre
• Kompetente og hyggelege kollegaer, mellom anna fysioterapeut, sjukepleiarar og helsefagarbeidarar
• Moglegheit til å arbeide på institusjon og/eller heimetenestene
• Deltaking i lokal legevaktsatelitt (frivillig ordning), godtgjersle kr 15.000 p.a.
• Arbeidstid etter oppsett årsturnus, med arbeid dag, kveld og natt
• Rekrutteringstillegg for sjukepleiar i turnus med kr 20.000 p.a.
• Kompetansetillegg ved relevant etterutdanning, inntil kr 20.000 p.a.

I tillegg vert du medlem i KLP Sjukepleiarordning, eit av landets beste pensjonsordningar. Les gjerne meir om medlemsfordelane i KLP

Klar til å søkje? Gå rett til søknadsskjema her

Kvifor Hyllestad?

Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten, her er gode moglegheiter for jakt og fiske. I Hyllestad er det rom og moglegheiter for både familiar og einslege. Vi har mange fritidsaktivitetar i regi av ulike lag og organisasjonar. Og - her er plass til fleire, kanskje akkurat deg?

Vi har ledige byggeklare tomter med flott utsikt og gode solforhold, fritids- og aktivitetstilbod for både store og små, rimelege barnehageplassar.

Har du lyst å lese meir om livet som Hyllestading, sjekk ut Hyllestad info

Som sjukepleiar vil dine daglege arbeidsoppgåver mellom anna vere:

• Medansvar for sjukepleietenesta i tenesta, og for eigen yrkesutøving på alle plan
• Utøve sjukepleie til pasientane våre
• Ansvar for at pasientane får pleieplanar, at desse er oppdaterte og vert fulgt
• Medikamenthandtering
• Delta i bakvaktsordning når det er naudsynt
• Høve til å delta i legevaktsordning gjennom legevaktsatelitt i samarbeid med legevakta i Førde
• Ha kontakt med pårørande

Andre oppgåver kan kome i tillegg og oppgåvene kan endre seg etter behov.

Vi ser for oss at du har

autorisasjon som sjukepleiar. Det er ønskjeleg med erfaring frå yrket, gjerne erfaring frå behandling av geriatriske pasientar. Personlege eigenskapar, som t.d. kommunikasjonsferdigheiter, samarbeidsevner og bidrag til eit godt arbeidsmiljø, vil bli vektlagt.

Det er nødvendig med førarkort for bil, kommunen har bilar til disposisjon i arbeidstida. Det er krav om tilfredsstillande helse- og politiattest for stillinga.

Kontakt

Fleire opplysningar om stillinga kan du få av fagleiar Hilde Håvåg eller adm.leiar Unni Systaddal.

Hos oss vil du få ein gjeng med gode kollegaer som kan faget sitt, og som ønskjer å lære vekk sin kompetanse - samstundes som dei vil lære av deg. Vi har eit godt arbeidsmiljø i avdelinga og på huset. Er du treningsentusiast får du gratis tilgang til treningsstudio i idrettshallen vår.

Vi ser fram til din søknad!

Vi er oppteken av god pleie til pasientane våre, både heimebuande og på institusjonen. Vil du bidra med det - ikkje nøl, send oss ein søknad. Vi gledar oss til å lese den!

Relevante lenkjer

• Hyllestad kommune som framtidig arbeidsgjevar
• Hyllestad.info
• Informasjon om bustadtilskot til førstegangsetablerarar
• Sjå film om den fine kommunen vår!

SJå andre ledige stillingar i Hyllestad på arbeidsplassen.no

VELKOMEN SOM SØKJAR!