Bli vår nøkkelperson for B2B-marknaden i reiselivet

Salgs- og markedskoordinator skal jobbe mot B2B-marknaden i reiselivet, og då særleg samarbeide med destinasjonsselskapa og turoperatørar. Den tilsette skal bidra til at fleire turistar får oppleve kulturarven og få innsikt i kunst- og kulturhistorie i Sogn og Fjordane.

Om stillinga

Som sals- og marknadskoordinator (SMK) i Musea i Sogn og Fjordane vil du:

• Utvikle besøksprodukt til reiselivet i samarbeid med dei tretten museumsarenaene våre.
• Samarbeide med destinasjonsselskap, turoperatørar og cruise-agentar og representere musea i reiselivsnettverk.
• Marknadsføre og selje produkta til turoperatørar, cruise-agentar m.fl.
• Reise rundt på musea våre, på messer, visningsturar og verkstader som Norwegian Travel Workshop.
• Jobbe med kundeinnsikt, marknadsundersøkingar og analyser.

Vi ser etter deg som har:

• Høgare utdanning innan eitt eller fleire av områda reiseliv, sal og marknadsføring.
• Erfaring innan eitt eller fleire av områda sal, marknadsføring og reiseliv.
• Skriv og snakkar engelsk på eit profesjonelt nivå.
• Interesse for kunst og kulturhistorie.

SMK blir del av seksjonen kommunikasjon og marknad, i team med digital marknadsførar og kommunikasjons- og marknadssjef. Du vil vere Musea i Sogn og Fjordane sitt kontaktpunkt for destinasjonsselskap og andre samarbeidspartar i reiselivet. Du vil samarbeide tett med enkeltmusea om publikumsanalyse, utvikling av produkt og visningsturar. Til sist skal din seljarkompetanse og vinnande vesen bidra til fleire avtaler med turoperatørar og agentar. Som vår fagansvarlege innan B2B marknadsførar innan reiseliv, vil du støtte museumsarenaene i oppfølginga av avtalene, styrke profesjonalitet og bidra med opplæring.

Dagleg oppmøtestad vil vere i administrasjonsbygget på Sandane, der resten av seksjonen møter. Sjølv om Sandane er ønska oppmøtestad kan vi vere fleksible ved behov om andre løysingar.

Moglegheiter og utfordringar for sals- og marknadskoordinator

Mogelegheiter

Musea spissar denne stillinga mot reiselivet fordi vi har høge besøksambisjonar. Verda treng at folk går på museum og lærer om fortida og opplever kunst. Du kan vere med å bidra til at fleire reisande får kunnskapsrike og berekraftige opplevingar – og vere med å utvikle kultur som ein viktigare del av tilbodet vi gjev turistane som kjem til regionen vår. For ein seljartype er det store mogelegheiter for å lykkast.

Utfordringar

Å samordne ønskjer, tilbod og behov frå tretten museum, halde kontroll på ressursane, samarbeide med tre destinasjonsselskap, dra på visningsturar og sjonglere ei heil rekke turoperatørar er litt av ei tøff oppgåve. Det krev god struktur, planlegging og gode system, som du får ansvar for å utvikle. Evne til å styre eigen dag, prioritere, sette grenser og handtere stress vil løne seg for å kunne handtere utfordringane på ein sunn måte.

Søk på stillinga om du:

• Elskar å møte folk og er ein god relasjonsbyggar.
• Er dyktig på sal.
• Likar deg i vertskapsrolla.
• Likar å få ting til å skje og sjå resultat.
• Blir motivert av å samarbeide og nå mål saman med andre.
• Tykkjer musea har eit viktig oppdrag, som du ønskjer å styrke.

Kontaktperson for stillingen

Henning A. Hellebust

Kommunikasjons- og marknadssjef

+4790058669

henhel@misf.no

Om bedriften

Musea i Sogn og Fjordane driftar og utviklar tretten ulike museumsarenaer mellom fjord og fjell i Sunnfjord, Nordfjord og Sogn. I 2024 gav vi nær 60.000 innbyggarar og tilreisande kunnskap og opplevingar innan kulturhistorie og kunst.

Samlingane våre spenner frå urban kunstscene til eldgamle bygningar og skikkar. Frå pulserande historiske kystsamfunn til kunstnarparet Engel og Nikolai Astrup sitt småbruk i Jølster. Frå lafta mellomalderloft, eksport av kvernsteinar heilt tilbake til vikingtida og Lord Slingsby sine ekspedisjonar, ein Ford Escort frå 1980-talet og rykande ferske kunstinstallasjonar. Fortid og samtid.

Les meir om Musea i Sogn og Fjordane på vår nettstad www.misf.no

Vi har omlag 60 fast tilsette, og fleire mellombels tilsette i sesong. Museumsvertar, museumspedagogar, museumsleiarar, konservatorar og handverkarar med fleire, jobbar på dei ulike musea. Arbeidsmiljøundersøkingane våre viser at det er god trivsel på jobb, at dei tilsette er nøgde med sine kollegaer og leiarar, og har meiningsfulle oppgåver. Sjukefråværet vårt er under bransjegjennomsnittet.

Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under "Vedlegg".

Vi gjer merksam på at søkarlista kan bli kravd gjort offentleg.