Rådgjevar/seniorrådgjevar innan nyskaping og regional utvikling

Høgskulen på Vestlandet, Fakultet for helse og sosialvitskap, har ledig ei 100% fast stilling som som rådgjevar/seniorrådgjevar innan nyskaping og regional utvikling.

Stillinga er knytt til fakultetsadministrasjonen ved Fakultet for helse- og sosialvitskap, som rådgjevar/seniorrådgjevar innanfor nyskaping og regional utvikling. Fakultetsadministrasjonen er lokalisert på alle HVL sine fem campus. Vi søkjer ein erfaren og engasjert rådgjevar/seniorrådgjevar som vil spele ei nøkkelrolle i å styrke fakultetets satsing på nyskaping for helse- og omsorgstenestene, forsking og utvikling (FoU), formidling og administrative prosessar. Rådgjevaren/Seniorrådgjevaren skal samarbeide nært med prodekan for nyskapning og regional utvikling, administrasjonssjef og andre rådgjevar ved fakultetet. Heile forvaltninga er i stor endring i forhold til digitale arbeidsprosessar, og stillinga vil vere med på å forme utviklinga av dette.

Arbeidsstaden er ved ein av dei fem campusane ved HVL.

Ansvars- og arbeidsoppgåver:

• Halde seg orientert om relevante endringar og prosessar internt og eksternt
• Bidra til at fakultetets ambisjonar innanfor nyskaping, teknologiutvikling og samspel med omjevnadene nås
• Vere sekretær i relevante fora, herunder førebuing av saker og innkallingar og referatskriving
• Førebuing av saker for fakultetsleiinga
• Bidra til- og tilrettelege for oppfølging av vedtak
• Bistå med formidling av informasjon internt og eksternt
• Bidra til koordinering av og utvikling av rutinar og retningslinjer for nettverk og samarbeid med interne og eksterne aktører
• Utgreiings- og utviklingsarbeid i samsvar med strategi og handlingsplanar
• Gjennomføre analyser og utarbeide statistiske oversikter som grunnlag for beslutningar og utviklingstiltak
• Delta og bidra på andre saksfelt etter behov

Kvalifikasjonskrav:

Formell utdanning og kompetanse:

• Relevant utdanning på minst masternivå.
• Dokumentert erfaring med administrasjon innanfor fagfeltet
• Relevant administrativ erfaring
• Meget gode muntlige og skriftlige engelskkunnskaper samt flytende skandinavisk
• Forståelse for norsk og europeisk forsknings-, utdannings- og innovasjonspolitikk

Ønska kvalifikasjonar:

• Erfaring med effektivisering- og digitaliseringsprosessar
• Kjennskap til utdanningssektoren og/eller helseføretak, forskingsinstitusjonar og andre relevante offentlege instansar
• Relevant erfaring innan ansvars- og arbeidsoppgåvene knytt til stillinga
• God forståing for offentleg forvaltning og god innsikt i krava som vert sett til kvalitetssikring og gode administrative tenester.
• God forståing for høgskulen sitt samfunnsoppdrag
• God organisasjonsforståing

Personlege eigenskapar:

• Du er ein person som trivst med samarbeid på tvers av ulike fagmiljø, og dine kommunikasjonsevner gjer at du kan bygge gode relasjonar med dei du møter
• Du har evne til raskt å sette deg inn i komplekse problemstillingar og sjå helheita i utfordringar
• Du er også flink til å identifisere behov som kanskje ikkje er like openbart ved fyrste augekast, noko som gjer deg til ein verdifull ressurs i prosessar som krev strategisk tenking
• Bidrar positivt i arbeidsmiljøet
• Løysningsorientert og fleksibel i forhold til endring i arbeidsoppgåver

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som rådgjevar/seniorrådgjevar er løna etter Statens lønsregulativ, i stillingskode 1434 - rådgjevar/ 1364 - seniorrådgjevar.

Frå løna vil det bli trekt 2% innskot til Statens pensjonskasse.