Mediebruket søkjer erfarne prosjektleiarar til å skape innovative digitale løysingar

Internettbyrået Mediebruket har sidan oppstarten for 15 år sidan vore ansvarleg for å skape og drifte over 500 applikasjonar, frå enkle nettsider til komplekse logistikk- og kundebehandlingssystem på internett, for kundar over heile landet, og ofte i samarbeid med design- og reklamebyrå. Vi er i stadig vekst og ser etter dyktige rådgjevarar og prosjektleiarar som vil bli med oss på reisa. Vi er i dag 5 tilsette i Mediebruket, og 68 hos vår hovedeigar og partnar, Maksimer. Her får du gode høve til kompetanseheving og å klatre på karrierestigen.

Prosjektleiarar for utvikling av digitale løysingar

Er du ein innovativ webentusiast? Legg du deg i selen for å hjelpe kundane? Elskar du ein variert kvardag? Då er desse stillingane i Mediebruket noko for deg. Til vårt tverrfaglege team søkjer vi erfarne rådgjevarar og prosjektleiarar, som har solid erfaring med utvikling av nettstadar, og kan bidra til å lage og drifte knallgode digitale løysingar for kundane våre, slik at dei ligg i teten i sin bransje.

Ein typisk arbeidsdag for deg vil by på spennande utfordringar og varierte oppgåver innanfor heile breidda av dei digitale tenestene vi kan levere. Dette kan inkludere kundeservice, prosjektleiing med budsjettansvar, publisering av innhald og bygging av nettsider med WordPress.

Vi ser etter deg som har erfaring innanfor desse fagfelta. Vi ser altså ikkje etter ein utviklar, men det er ein stor fordel om du har ei viss forståing for det som utviklarane driv med. Om du i tillegg har erfaring med webdesign er det heilt topp. Du må også kunne kommunisere godt på både norsk og engelsk.

Den første vi tilset vil få særskilt ansvar for konfigurasjon og support på systema vi har utvikla til søknadsbehandling for bankar, stiftingar og andre organisasjonar. Dette er derfor ein gylden sjanse for deg som er ryddig og nøyaktig. Hos oss får du fast stilling med konkurransedyktige lønsvilkår, fleksibel arbeidstid og attraktive frynsegoder.

Du vel sjølv om arbeidsplassen din blir på hovedkontoret til Mediebruket i Førde i Sunnfjord, eller hos Maksimer i Bergen eller Oslo. Du kan også ha heimekontor ved behov.

Har du spørsmål kan du kontakte dagleg leiar Arild Finne Nybø på epost arild@mediebruket.no. Vil du vite meir om korleis det er å jobbe i Mediebruket kan du kontakte han eller ein av dei andre tilsette.

Freistar det? Fyll ut eit enkelt skjema nederst på denne sida: Karrieportal Maksimer, og send inn søknaden din så snart som råd, og seinast 12. desember 2023. Søknadar blir behandla fortløpande, vi etterspør meir informasjon ved behov. Vi håpar du vil vere med på laget, og ser fra til å høyre frå deg.