Prosjektingeniør Stryn kommune

Stryn kommune søker prosjektingeniør i 100% fast stilling. Stillinga ligg under avdeling for kommunalteknikk og inngår i etat for samfunnsutvikling. Avdelinga har funksjonane prosjekt, VA, park, grønt og veg.

Vi er på jakt etter ein sjølvstendig person med kjennskap til bygg- og anleggsbransjen, gjerne med kjennskap til prosjektering av veg/VA-anlegg.

Organisasjonen er i endring og det må forventast å ta andre prosjekt også, til dømes kommunale bygg.

Som prosjektingeniør i Stryn kommune er dagane varierte. Du syter for anskaffing og oppfølging av konsulentar og entreprenørar i store og små investeringsprosjekt og følgjer prosjekta frå idé til overlevering. Du vil inngå i eit team på tre prosjektingeniørar som saman med driftsingeniør og driftsavdelingane skal løyse mindre og større utfordringar.