Oppmålingsingeniør/sakshandsamar - ny utlysing

Hyllestad kommune har ledig 100% fast stilling som ingeniør/landmålar.

Vi søkjer deg som vil, torer og kan nytte kommunen sitt handlingsrom for å skape gode resultat, og bidra til vidare samfunnsutvikling i ein framtidsretta kommune.

Du vil arbeide på avdeling Samfunnsutvikling og teknisk drift saman med 4 medarbeidarar med brei erfaring og høg kompetanse innan forvaltningsområda våre.

Avdelinga har ansvar for byggesak, arealplanar, kart- og oppmåling, prosjektleiing, eigedomsskatt og kommunale gebyr. I tillegg ligg drift og vedlikehald og reinhaldstenestene under avdelinga.

Hyllestad kommune nyttar ACOS WebSak+ (sakshandsamingssystem) , GISLINE (kartprogram) og KOMTEK (kommunale gebyr). Naudsynt opplæring vil bli gjeve.

Arbeidsoppgåver

• Handsame delingssøknadar etter plan- og bygningslova
• Oppmålingsforretningar etter matrikkellova
• Handsame byggesøknader etter plan- og bygningslova
• Handsame dispensasjonssøknader etter plan- og bygningslova
• Rettleie søkjarar og innbyggjarar i møte og på telefon
• Klagesakshandsaming etter forvaltningslova
• Ulovlegheitsoppfølging/tilsyn
• Matrikkelføring av byggesaker og oppmålingsforretningar
• Eventuelt anna sakshandsaming eller andre utviklingsoppgåver for kommunen

Krav til kvalifikasjonar

• Relevant utdanning, gjerne innan eigedomsfag eller byggfag
• Relevant arbeidserfaring kan kompensere for manglande formell utdanning
• God kjennskap til fagområdet og evne til å bidra til høg fagleg kvalitet i offentleg forvaltning
• God kjennskap til relevant lovverk med vekt på plan- og bygningslova og matrikkellova.
• God skriftleg og munnleg framstillingsevne. Kommunen nyttar nynorsk som målform.
• Gode IT-kunnskapar
• Førarkort klasse B

Personlege eigenskapar

• Vi søkjer deg som er strukturert, likar å finne løysningar og samarbeider godt med andre
• Du må vere serviceinnstilt, omgjengeleg og trivast i dialog med folk
• Du bør vere effektiv og ha fokus på å halde tidsfristar og levere eit godt fagleg innhald
• Du må kunne tileigne deg kunnskap og jobbe sjølvstendig.

Verdiar som tillit, respekt, openheit og inkludering er viktige i utviklinga av Hyllestadsamfunnet - og som vi òg ser etter hjå deg som søkjar. Verdiar og personlege eigenskapar vil vere viktig i stillinga.

Vi tilbyr

• Spanande og varierte arbeidsoppgåver
• Eit ungt, positivt og energisk arbeidsmiljø
• Eit etablert fagmiljø med høg kompetanse
• Moglegheit til å påverke eigen arbeidsdag
• Moglegheit til utvikling av eigen kompetanse
• Fleksibel arbeidstid
• Løn og tilsetting etter avtale
• Gode pensjons- og forsikringsordningar i KLP
• Gode velferdsordningar (gratis treningsabonnement i Hyllestadhallen)
• Bustadtilskot til førstegangsetablerarar i kommunen

Vi ynskjer eit arbeidsmiljø prega av mangfald, og at våre tilsette skal spegla folkesetnaden elles. Vi oppmodar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. Vi legg vekt på å legge til rette arbeidsforholda dersom du har behov for det.

VELKOMEN SOM SØKJAR!