Kommunalsjef, helse og sosial

Er du vår nye kommunalsjef i Stryn kommune som skal leie helse-, sosial- og omsorgstenestene inn i framtida?

Vår noverande kommunalsjef for etaten Helse og sosial sluttar 01.11.2023 og vi søkjer difor etter ny.

Stryn kommune har om lag 7250 innbyggjarar og ligg i inste delen av Nordfjord omkransa av vakker natur med mange turmoglegheiter. Vi har eit aktivt og utviklingsorientert næringsliv, der både industri og reiseliv er mellom dei fremste i landet på sine områder. Stryn kommune har rundt 750 tilsette fordelt på om lag 600 årsverk og er ein attraktiv arbeidsplass med fokus på å rekruttere, utvikle og behalde dei beste medarbeidarane. Stryn kommune vart i 2022 kåra til den 14. beste kommunen i Noreg på kommunebarometeret.

Vi veit at det vert auka behov for våre helse- og omsorgstenester i åra som kjem. Som kommunalsjef kan du påvirke korleis vi skal møte desse utfordringane på best mogleg måte. Du er med i kommunedirektøren si leiargruppe, og har det heilskaplege, overordna ansvaret for kommunen sine mangfaldige oppgåver. Du vil ha hovudansvaret for økonomi, personal og tenesteproduksjon innan eigen etat. Dette omfattar alle helse- og omsorgstenester, samt barnevern og flyktningteneste. Stryn kommune deltek i fleire interkommunale vertskommunesamarbeid der du vil vere kontaktperson og oppfølgingsansvarleg som samarbeidskommune. Dette gjeld mellom anna NAV, legevakt kveld og helg, krisesentertilbod og overgrepsmottak. Etaten har i tillegg Husbanksaker og sal- og skjenkesaker.

Arbeidsoppgåver

• Leie etaten og forvalte tildelte rammer på ein effektiv og hensiktsmessig måte
• Planlegge og utvikle tenestene i etaten i tråd med kunnskapsbasert metode
• Leie innovative prosessar som stettar morgondagen sine behov og rammer for tenesteyting, her under utvikling av digitale tenester og velferdsteknologi
• Tilrettelegge for god samhandling internt i organisasjonen og med eksterne samarbeidspartnarar
• Ha god budsjettstyring og budsjettkontroll, her inder budsjettrapportering
• Overordna oppfølging av internkontroll og kvalitetssikring
• Legge til rette for rekruttering og fagleg utvikling av personalressursane i etaten
• Sakshandsaming til politiske utval, formannskap og kommunestyre
• Ha ein vesentleg rolle i bustadsosial planlegging og oppfølging, her under utbygging av nye bygg i etaten
• Vere ein del av kommunen si kriseleiing og beredskapsarbeid, og vere overordna leiar for kommunen sitt psykososiale kriseteam
• Ha stor arbeidskapasitet og kunne jobbe under press.

Kvalifikasjonar

• Du må ha relevant utdanning på høgskule-/universitetsnivå
• Du må ha vidareutdanning innan leiing, samt leiarerfaring og kunnskap om endringsprosessar
• Du bør ha interesse og erfaring innan økonomistyring og planarbeid
• Det er ein fordel med erfaring frå offentleg sektor
• Du må ha god framstillingsevne både skriftleg og munnleg. Administrasjonsspråket er nynorsk

Personlege eigenskapar

Vi søkjer ein kommunalsjef som er engasjert, med tydeleg service- og brukarorientering. Du er resultatorientert og ein god motivator og inspirator for organisasjonen med evne til å arbeide strategisk og strukturert – samt er synleg som leiar, og trivst i eit tverrfagleg miljø der du ønskjer å oppnå resultat i samarbeid med andre. Du må ha heilskapleg tilnærmingsevne, og forstå di rolle og ditt ansvar i tilhøve til menneska rundt deg. Du må stå på for tenesteinnovasjon og utvikling av ressursane du rår over.

Personleg eignaheit vil bli vektlagt.

Vi tilbyr

• Stort handlingsrom og utfordrande arbeidsoppgåver i ein kommune i positiv utvikling – med godt omdømme og mange dyktige medarbeidarar
• Spennande leiar- og utviklingsutfordringar
• Ei sentral og viktig leiarstilling i ein stor organisasjon
• Løn etter avtale
• Gode pensjons- og forsikringsordningar
• Vi er hjelpsam med å skaffe bustad