Ledig stilling som kjøkkensjef/forpleiingsleiar

Hyllestad kommune har ledig stilling som kjøkkensjef/forpleiingsleiar frå snarast, 100 % stilling for fast tilsetting. Som kjøkkensjef vil du ha ansvar for den daglege drifta av kjøkkenet, samt reinhald og vaskeritenesta.
Forpleiingsavdelinga består av tre kokkar, ein assistent i deltid, to reinhaldarar og ein vaskeriassistent. Avdelinga er lokalisert til Eiklund sjukeheim, Sørbøvåg. Dagleg lagar kjøkkenet mat til pasientar på sjukeheimen og til heimebuande. Vi har hovudsakleg kok/server, men òg kok/kjøl som vert levert til heimebuande. Arbeid etter oppsett arbeidsplan, dagarbeidstid og arbeid kvar tredje helg.

• Dagleg leiing av forpleiingsavdelinga (kjøkken, reinhald og vaskeri)
• Planlegge og utvikle meny
• Produksjon av lunsj, middag og dessertar, samt kaffimat.
• Ansvar for budsjett, innkjøp, lagerbehaldning og varetelling
• Ansvar for internkontroll og hygiene
• Personalansvar og oppsett arbeidsplanar
• Utarbeide reinhaldsplanar
• Følgje opp leverandørar

• Faglege og personlege utfordringar og utviklingsmoglegheiter i eit godt arbeidsmiljø
• Gode pensjons- og forsikringsordningar i KLP (2 % av løna vert trekt til pensjon)
• Hjelp til å finne bustad om du treng det
• Bustadtilskot til førstegangsetablerarar
• Reduserte betalingssatsar i barnehagen
• Fri tilgang til treningsrom/spinningsrom i idrettshallen
• Løn etter tariff