Fagansvarleg kreditt privatmarknad

Sparebanken Sogn og Fjordane søkjer ny fagansvarleg kreditt privatmarknad med kontorstad Førde. Banken har 63 milliardar i utlån, av dette er 48 milliardar lånt ut til personkundar. Kredittavdelinga har ei sentral rolle i tilrettelegging av kredittarbeidet og styring av kredittrisiko i banken.

Kredittavdelinga har i dag 9 tilsette og har ansvar for utarbeiding av rammeverk og regelverk for kredittarbeidet i banken. Vi er ansvarlege for tilrettelegging av kredittsystem, kontroll og intern rapportering. Avdelinga skal gi opplæring til rådgjevarane innan kredittsystem og regelverk, og gi råd og støtte til kredittarbeidet i banken. I samband med at noverande fagansvarleg går over i anna stilling i banken søkjer vi etter fagansvarleg kreditt PM.

Sparebanken Sogn og Fjordane har i 2023 tatt valet om å kjøpe oss inn i Sparebank1-gruppen, og vi vil i løpet av 2024 gjennomføre konvertering over til nye kredittsystem og løysingar. I dette arbeidet vil fagansvarleg kreditt PM ha ei sentral rolle. Vi søkjer deg med gode samarbeidsevne, god struktur og god gjennomføringsevne.

Arbeidsoppgåver

Som fagansvarleg kreditt PM vil du ha ansvar for:

• Utarbeiding og vedlikehald av regelverk og rutinar for kreditt PM og delta i arbeidet med å sikre gode og effektive arbeidsprosessar.
• Følgje oppeksternt regelverk og sikre god implementering og etterleving
• Opplæring av kunderådgjevarar
• Fagleg støtte for kunderådgjeverar og banksjef PM i det daglege kredittarbeidet
• Tilretteleggar og administrator for sentral kredittkomite PM.

Eigenskapar og kompetanse

• Høgare relevant utdanning
• Fordel med erfaring frå kredittarbeid og kjennskap til bank
• Autorisasjon eller ønskje om å ta autorisasjon i løpet av komande år.
• Evne til målretta og systematisk arbeid.
• Kan arbeide sjølvstendig, i team og på tvers av fagmiljø
• God formidlingsevne, skriftleg og munnleg

Som arbeidsgjevar tek vi godt vare på våre tilsette. Noko av det vi kan tilby er fleksibel arbeidstid, hybrid kontorløysing, medeigarskap i bedrifta gjennom tildeling av eigenkapitalbevis, gode pensjons- og forsikringsordningar og ei spennande stilling med moglegheit for personleg utvikling i ein innovativ og framtidsretta bank. Hos oss får du eit triveleg arbeidsmiljø med kompetente kollegaer som vil ta godt i mot deg. Her er det korte vegar til avgjersler, vi hjelper kvarandre med å lukkast og det er rom for å vere seg sjølv.

Nærare informasjon om stillinga får du ved å kontakte kredittsjef Gro Skrede Mardal, tlf. 481 67 094.

Sparebanken Sogn og Fjordane er den niande største sparebanken i landet og har nær 50 prosent av marknaden i Sogn og Fjordane. Banken har ein forvaltningskapital på om lag 74 milliardar kroner og nær 280 tilsette i Sogn og Fjordane og Bergen. Banken er det største finansielle fagmiljøet mellom Ålesund og Bergen. Vi støttar næringsutvikling i regionen og bidreg til omstilling til eit meir klimavennleg og berekraftig samfunn