Seksjon kommunehelse og - omsorg søkjer samfunnsengasjert jurist

Helse-, sosial- og barnevernsavdelinga har 65 tilsette i tre seksjonar; kommunehelse og -omsorg, spesialisthelse og sosial og barnevern. Seksjon kommunehelse og -omsorg har 25 tilsette. Arbeidsoppgåvene omfattar tilsyn, handsaming av klager, rettleiing, utviklingsarbeid og ulike forvaltningsoppgåver som til dømes tilskotsforvaltning, førarkort og oppgåver knytte til LIS1-utdanning og turnusteneste. Vi støttar kommunane i deira omlegging for å sikre berekraftige velferdstenester. Seksjonen har og omfattande oppgåver med førebygging og rett bruk av tvang.

Stillinga som assisterande seksjonsleiar er fast og har kontorstad i Bergen eller Leikanger.

Arbeidsoppgåver

• Avlaste seksjonsleiar etter nærare avtale, mellom anna personaladministrasjon
• Gje fagleg støtte og rettleiing til medarbeidarar i seksjonen
• Saksbehandling og rettleiing til innbyggarar og helsepersonell
• Informasjonsarbeid og anna utoverretta verksemd

Kvalifikasjonar

• Master i rettsvitskap
• Det er ein fordel med erfaring frå offentleg forvaltning og god kjennskap til kommunale helse- og omsorgstenester
• Leiarerfaring eller interesse for leiarskap er ønskjeleg
• Det blir lagt vekt på personlege eigenskapar

Personlege eigenskapar

Vi ønskjer ein samfunnsengasjert assisterande seksjonsleiar med evne til å motivere og følgje opp medarbeidarar, som tek initiativ og medverkar til godt samarbeid.

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• trening i arbeidstida
• heimekontor
• fleksibel arbeidstid
• løn i samsvar med vår lokale lønspolitikk
• medlemskap i Statens pensjonskasse med god pensjonsordning,
  gunstig bustadlån og forsikringsordning

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv.

Vi oppmodar alle kvalifiserte kandidatar til å søkje, utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar også om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene, kallar vi inn minst éin søkjar i kvar av gruppene til intervju. Les meir om dette på Arbeidsgjevarportalen.

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT.

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeida etter søknadsfrist. Dersom du ønskjer å reservere deg frå oppføring må du grunngje dette, og vilkåra i lova må vere til stades. Du får varsel i rekrutteringsportal dersom reservasjon ikkje blir teken til følgje.