Er du interessert i landbruk, natur, miljø, klima og berekraft i praksis?

Om stillinga

Er du interessert i landbruk, natur, miljø, klima og berekraft i praksis? Og har lyst å leve og bu i Vestland – dette ikoniske fjord- og fjellfylket som folk reiser langt for å få oppleve?

Vi har ledig stilling som trainee ved landbruksavdelinga, med kontorplass i Førde. Arbeidet vil bli variert, særleg sidan dette er ei trainee-stilling, men fellesnemnaren er forvaltning og utvikling innan jord- og skogbruk, oppfølging av ulike digitale tilskotsystem og informasjonsarbeid.

Statsforvaltaren skal gjennomføre den nasjonale landbrukspolitikken ved hjelp av informasjon til kommunane og næringa, tilskots- og regelforvaltning, og kontroll. Vi skal vere eit kompetansesenter for kommunane på desse områda.

Statsforvaltaren har til saman seks fagavdelingar med ei brei oppgåveportefølje. Landbruksavdelinga vert leia frå Førde og har 32 tilsette, hovudsakleg i Førde og Bergen. Dei fleste i avdelinga har naturvitskapleg fagkompetanse og erfaring, men du får også kollegaer med bakgrunn frå historie, samfunnsvitskap og juss.

Arbeidsoppgåvene er forvaltning og informasjon:

• Innføring i og forvaltning av diverse ordningar i landbruket
• Oppfølging og kontroll av digitale tilskotsystem
• Informasjon via nettsider m.m. til kommunane og landbruksnæringa
• Utviklingsarbeid i samarbeid med andre
• Andre relevante oppgåver i avdelinga

Kvalifikasjonar:

• Bachelor eller master innan samfunn-, landbruk-, eller naturvitskap
• Kjennskap til norsk landbruk
• God munnleg og skriftleg framstillingsevne, primært nynorsk
• Førarkort klasse B

Personlege eigenskapar:

• Gode samarbeidsevner med kollegaer og eksterne aktørar
• Evne til å arbeide sjølvstendig, målretta og effektivt

Som tilsett hos Statsforvaltaren får du:

• Delta i det felles trainee-programmet i Vestland
• Interessante arbeidsoppgåver
• Ein arbeidsplass i utvikling
• Eit kompetent og godt tverrfagleg arbeidsmiljø
• Medlemskap i offentleg tenestepensjonsordning
• Fleksibel arbeidstid
• Kjekke kollegaer som vil ønske deg hjarteleg velkomen

Vilkår:

Stillinga er løna i stillingskode 1434 rådgjevar med løn etter kvalifikasjonar.

Statsforvaltaren ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Embetet vil leggje til rette for arbeidstakarar med nedsett funksjonsevne.

Dei første seks månadane er prøvetid. Tenestemålet er nynorsk. Vitnemål og attestar må leggjast ved søknaden.

Søkarlista er i utgangspunktet offentleg. Du kan be om unntak dersom vilkåra i lova er til stades.

Nærare opplysningar om stillinga får du hjå:

Landbruksdirektør Christian Rekkedal, tlf 99 69 23 02, eller assisterande landbruksdirektør Bjørn Harald Haugsvær tlf 48 00 73 75

Felles krav til alle som søker stilling som Framtidsfylket-trainee:

• Minimum bachelor eller mastergrad
• Maksimalt tre års arbeidserfaring etter studium
• Du må forstå og kunne kommunisere på norsk. Sjå elles arbeidsgjevar sine krav for språkkunnskap

Som Framtidsfylket Trainee får du:

• Ein spennande jobb og eit nettverk med andre traineear i bedrifter i Vestland fylke
• Fagleg og personleg utvikling
• Innsyn i eit mangfaldig næringsliv som for få kjenner til
• Fire traineesamlingar og ein utanlandstur

Du vil jobbe som trainee hos oss i eitt år – frå august 2022 til august 2023.