Statsforvaltaren Vestland søkjer jurist-trainee

Om stillinga

Er du interessert i juridiske problemstillingar og har lyst å kombinere jobb med det ikoniske fjord- og fjellfylket som folk reiser langt for å få oppleve?

Vi har ledig stilling som trainee ved kommunalavdelinga. Hovudoppgåvene vil liggje innafor justis- og byggesak, der rettshjelp, ekteskapslova, kommunelova, offentleglova og plan- og bygningslova er sentrale saksfelt. Vi legg samstundes vekt på at du skal få innblikk i fagområda i dei ulike avdelingane i embetet. Dette vil gi deg ei unik innsikt i og oversikt over samanhengen mellom ulike vesentlege fagfelt som er viktige for innbyggjarar og kommunar.

Statsforvaltaren i Vestland er traineebedrift i det fylkesdekkjande traineeprogrammet Framtidsfylket Trainee. Kandidaten vil ta del i Framtidsfylket Trainee sitt traineeprogram frå august 2022 til august 2023.

Statsforvaltaren har om lag 285 tilsette. Vi har eit stort juridisk fagmiljø. Som jurist hjå oss vil arbeidsoppgåvene dine vere sakshandsaming, rettleiing om regelverk og tilsyn innanfor ulike rettsområde som høyrer under Statsforvaltaren.

Som trainee tilbyr vi deg:

• ein unik start på karriera
• nettverk med andre traineear
• fagleg og personleg utvikling
• ein mentor som følgjer deg opp
• og eit unikt innsyn i eit mangfaldig næringsliv

Kvalifikasjonskrav:

• Cand. jur / Norsk master i rettsvitskap
• Interesse for offentleg forvaltning
• God språkleg kompetanse på begge målføre

Personlege eigenskapar:

• interesse for offentleg forvaltning
• positiv og fleksibel
• strukturert og sjølvstendig
• nysgjerrig og trygg i samhandling med andre

Som tilsett hos Statsforvaltaren får du:

• Delta i det felles trainee-programmet i Vestland
• Interessante arbeidsoppgåver
• Ein arbeidsplass i utvikling
• Eit kompetent og godt tverrfagleg arbeidsmiljø
• Medlemskap i offentleg tenestepensjonsordning
• Fleksibel arbeidstid
• Kjekke kollegaer som vil ønske deg hjarteleg velkomen

Kontorstad for stillinga: Statens hus på Leikanger. Stillinga er løna i stillingskode 1434 rådgjevar med løn etter kvalifikasjonar

Kontaktperson: seksjonsleiar Anne Kristin Eitungjerde, telefon 57 64 31 72, mobil 95281370 e-post fmsfake@statsforvalteren.no

Felles krav til alle som søker stilling som Framtidsfylket-trainee:

• Minimum bachelor eller mastergrad
• Maksimalt tre års arbeidserfaring etter studium
• Du må forstå og kunne kommunisere på norsk. Sjå elles arbeidsgjevar sine krav for språkkunnskap

Som Framtidsfylket Trainee får du:

• Ein spennande jobb og eit nettverk med andre traineear i bedrifter i Vestland fylke
• Fagleg og personleg utvikling
• Innsyn i eit mangfaldig næringsliv som for få kjenner til
• Fire traineesamlingar og ein utanlandstur

Du vil jobbe som trainee hos oss i eitt år – frå august 2022 til august 2023.