Museumspedagog

Om stillinga

I avdeling kulturhistorie har vi ledig 50% stilling som museumspedagog med hovudarbeidsstad på De Heibergske Samlinger - Sogn Folkemuseum.

Vi søkjer ein engasjert, strukturert og kreativ person som vil vere med å utvikle og styrke museet som arena for kunnskap og opplevingar.

Som museumspedagog vil du ha oppgåver knytt til planlegging, gjennomføring og evaluering av museet sitt formidlingstilbod til ulike målgrupper:

• pedagogiske formidlingsopplegg for skule og barnehage
• formidlingsopplegg og omvisingar for andre målgrupper
• formidling i faste og skiftande utstillingar
• aktivitetar og arrangement
• formidling på digitale flater
• kontakt med skular/barnehagar og eksterne samarbeidspartar

Du vil arbeide med både teoretiske, praktiske og administrative oppgåver.

Stillinga rapporterer til avdelingsdirektør kulturhistorie, medan det daglege arbeidet på museet blir koordinert av museumsleiar og i samarbeid med den andre museumspedagogen. I tillegg til å vere del av det lokale teamet på De Heibergske Samlinger - Sogn Folkemuseum, vil du også bidra til å løyse oppgåver i avdeling kulturhistorie og på andre museum ved behov.

Arbeidet vil vere noko prega av sesongsvingingar, og du må rekne med intensive arbeidsperiodar, så vel som noko arbeid på kveldstid og i helg. Stillinga har noko reiseverksemd i samband med deltaking på eksterne og interne arrangement.

Kvalifikasjonskrav

Vi søkjer deg som har:

• minimum bachelor i kulturhistorie eller andre museumsrelevante fag
• pedagogisk erfaring
• erfaring med kultur-/kulturarvformidling
• erfaring som utøvande formidlar for målguppe born og unge
• erfaring med digital formidling
• god og sikker munnleg og skriftleg kommunikasjonevne
• førarkort kl. B og disponerer bil

Om deg

Vi søkjer deg som:

• er trygg i formidlarrolla
• arbeider sjølvstendig, metodisk og systematisk
• trivst med variasjon i arbeidsoppgåver og intensive periodar
• er omgjengeleg og har gode samarbeidsevner
• er stødig og til å lite på

Vi tilbyr

Som tilsett i MiSF vil du vere del av eit dynamisk arbeidsmiljø prega av med høg kompetanse og stort engasjement.

Vi nyttar nynorsk som administrasjonsspråk og i skriftleg kommunikasjon med eksterne.

MiSF er ei IA-verksemd, og vi tilbyr god pensjonsordning gjennom KLP. Stillinga som museumspedagog blir løna etter avtale, og har stillingskode 1363 iflg. Landsoverenskomsten for museum (Virke).

Søknadsfrist 27.05.2022.

Nærare opplysningar får du ved å vende deg til museumsleiar Aud Ross Solberg på tlf. 47 45 27 68 avdelingsdirektør Synnøve S. Bjørset på tlf. 90 85 23 34.