Sogn og Fjordane Røde Kors

Sogn og Fjordane Røde Kors støttar 26 lokalforeiningar og over 2000 frivillige i deira humanitære aktivitet innan søk og redning, oppvekst, migrasjon, sosial inkludering og beredskap.

Sogn og Fjordane Røde Kors sitt distriktskontor har som hovudoppgåve å legge til rette for lokal, frivillig, humanitær aktivitet, men driv også humanitære fellesaktivitetar og har ansvar for ein del fellesarrangement.

Ein dag på kontoret og den neste med kamera rundt halsen i vakre omgjevnadar ein stad i Sogn og Fjordane. Ingen dagar er like, og du vil i stor grad få høve til å påverke korleis dagane dine vert. Bilete over syner noko av det du kan forvente.

Dagane på kontoret nyttast i nyoppussa lokaler i Røde Kors-bygget sentralt i Førde, saman med kjekke kollegaer. Her er det lagt til rette for at ein kan jobbe sjølvstendig og konsentrert i "celle-kontor" eller ha fruktbare møter og arbeidsøkter i fellesareal og møterom. Vi har felles kontormøte ein gang i veka og felles personalsamling ein gang i månaden.

Kollegiet har fleire sosiale samankomstar gjennom året, og felles onsdagslunsj med noko ekstra kvar veke. Latteren sit laust i kollegiet og det er ikkje reint sjeldan det er kake på bordet. Heldigvis har du også høve til å trene ein time i veka, i arbeidstida.

I tillegg til å ha 11 kollegaer i og rundt Førde vil du ha over 2000 kollegaer i heile fylket i form av engasjerte frivillige rødekorsarar.

Det er eit nettverk av kommunikasjonsrådgjevarar i distriktforeiningar i heile landet som møtast månadleg på Teams og ved nokre høve på Nasjonalkontoret i Oslo. Ein jobbar tett med kommunikasjonsavdelinga og pressevakta på nasjonalkontoret til Noregs Røde Kors.