Lærdal kommune Hovedbilde
Lærdal kommune

Lærdal kommune

Øyraplassen 7

https://www.laerdal.kommune.no

marianne.voldum@laerdal.kommune.no

Kontakt

Marianne Voldum

marianne.voldum@laerdal.kommune.no

576 41 200

Om oss

Inst i Sognefjorden ligg sjarmerande Lærdal – med vakker natur og gamle trehus. Kommunen har om lag 2200 innbyggarar, og rundt halvparten bur i kommunesenteret Lærdalsøyri.

Lærdal kommune ligg midt mellom Oslo og Bergen og har til alle tider vore eit nasjonalt knutepunkt.

Her får du spektakulær vestlandsnatur rett inn i stova, samstundes som klimaet minner om det stabile austlandsværet. Faktisk er Lærdal blant dei tørraste og varmaste stadane i landet. Sommaren er lang, vinteren mild og våren kjem tidleg.

I Lærdal blir det dyrka både poteter, grønsaker, bær og frukt. Viktige arbeidsplassar er kommunen, Lærdal sjukehus, innan bygg, trevare, handel, kraft og fleire næringar med. I tillegg er Lærdal eit svært attraktivt reisemål for turistar.

Lærdal er eit eldorado for natur- og friluftsinteresserte, og har eit sport- og idrettstilbod til dei fleste. Her kan du jakte, fiske i fjellvatn eller i Sognefjorden, gå i fjellet, padle med kajakk, trene på Gymloftet treningsstudio, drive med fysisk aktivitet på eitt av dei mange idrettsanlegga eller drive laksefiske i Lærdalselvi. Om vinteren kan du mellom anna drive med isklatring eller gå på ski. Bur du i Lærdal er det kort veg til Hemsedal, Voss, Myrkdalen, Filefjell, Sogndalsdalen og Hafslo, noko som betyr at puddersnøen ikkje er langt unna.

I Lærdal er det lett å engasjere seg. Organisasjonslivet er mangfaldig og kulturlivet rikt. Her er ein populær kulturskule, skular, barnehagar og gode kommunale tenester.

Lærdal er gode på arrangement året rundt. I januar byrjar den internasjonale Veterancupen i fotball, VM i rakfisk går av stabelen i Borgund same månad. Arrangementa held fram om våren, sommaren og hausten med matfestival, fotballturneringar, ulike store idrettsarrangement og mykje meir. Gode døme er Lærdalsmarknaden, Haustmarknaden og Julemarknaden som årleg samlar fleire tusen menneske til folkefest i gatene på Gamle Lærdalsøyri. Jordeplerock og Kom Heimatt-arrangementet trekker mykje folk om sommaren.

Velkommen til Lærdal!

Lærdal kommune Kulturbilde

Ledige stillingar

Type Stilling Stad Tilsettingsform Publiseringsdato
Barne- og ungdomsarbeidar/assistent ved Lærdalsøyri skule Fulltid 21-03-2024
Sjukepleiar/vernepleiar 100 % fast stilling -pleie og omsorg Fulltid 21-03-2024
100% fast stilling som overgangspedagog Lærdalsøyri barnehage- og skule Fulltid 21-03-2024
Fast heiltidsstilling som rektor ved Lærdal kulturskule Fulltid 21-03-2024
100% fast stilling som lærar med særskilt ansvar for inkludering og sosial oppfølgjing Fulltid 21-03-2024
Rettleiar ved NAV Lærdal Fulltid 21-03-2024
Lærarstillingar ved Lærdalsøyri skule Fulltid 21-03-2024
Pedagogstilling ved Oppvekst Borgund Fulltid 21-03-2024
100% fast stilling som fagarbeidar ved teknisk eining Fulltid 21-03-2024
Helsefagarbeidarar/hjelpepleiarar - 2x100 % faste stillingar Fulltid 07-03-2024