Krånavegen 11
Vidar Nyhammer
90806607
NCMT er ei næringsklynge for den norske plast- og komposittindustrien.
Vi ser på oss sjølve som eit innovasjonssystem som legg til rette for aktivitet og samarbeid for omstilling og utvikling. Derfor har vi både bedrifter, universitet, organisasjonar, forskingsinstitutt og offentlege aktørar som medlemmar og samarbeidspartnarar.
På relativt kort tid har vi i NCMT etablert oss som den samlande stemma for norsk plast- og komposittindustri. No er vi 2 fulltidstilsette som jobbar med svært mange ulike og spennande plastrelaterte utfordringar og løysingar innanfor mange ulike industrisektorar. Vi håpar og trur at vi snart blir fleire.
Målet er å akselerere omstillinga til sirkulære verdikjedar og bryte ned barrierar for utvikling gjennom å knyte saman kompetansen og ressursane i nettverket, og legge til rette for dialog og samarbeid.
NCMT held til i eit lite koseleg kontorfellesskap i den vesle fjordlandsbyen Sandane i Nordfjord. Her sit det både små tech-bedrifter, spennande start-ups, og andre som har tatt med seg byjobben til bygda. Vi har det stort sett veldig sosialt og kjekt, og atmosfæren er uformell og behageleg.
Etter kvart som NCMT veks og vi utvidar organisasjonen, vil vi alltid prøve å halde på den enkle strukturen, den uformelle samhandlinga og fokuset på at trivsel på jobb legg grunnlaget for motivasjon og godt arbeid.
Vi er alltid open for ein invitasjon til ein digital kaffi, om du er interessert i å høyre meir om oss, og lurer på om vi kan vere ein god match.